YPJ û YPGê di civînekê de ku ser 500î re malbatên şehîdan hebûn, şehîdên bajarê Hesekê bîr anîn.
Bi armanca bîrxistina berdêlên malbatên şehîdan ji bo parastina azadî û rûmeta gelê bakur û rojhilatê Sûriyê dayîn, li Hesekê YPG û YPJ civînên li gel malbatên şehîdan didomîne.
Civîn li hola Silko ya taxa Xişman ya Hesekê hat lidarxistin. Ev civîna duduyan e ku YPG û YPJ bi malbatên şehîdan re li dar dixin. Di civînê de ser 500î re malbatên şehîdan amade bûn.
Hola civînê bi wêneyên şehîdan, alên QSD, YPJ û YPG`ê hatibû xemilandin.
Civînê bi rêzgirtinê dest pê kir. Pişt re Hevserokê Meclisa Leşkerî ya herêma Cizîrê Hisên Selmo axivî û got; em îro şehîdan bîr tînin, ev şehîdên azadî û rûmetê ne. Di serî de her 3 jinên têkoşer Leyla, Fîdan û Sakîne yên bi destê dijmin hatîn şehîdxistin bîr tînin. Em soz didin malbatên şehîdan ku ji bo parastina azadî û rûmeta gelê bakur û rojilatê Sûriyê parçeyek ji canê xwe dane, şopdarên riya şehîdan bin.
Dûv re bi navê Meclisa Malbatên Şehîdan Ehmed Esad, ji Fermandariya Giştî ya YPG`ê Delîl Cerf û bi navê Rêveberiya Herêma Cizîrê Hisên Koçber axivîn
Civîn bi pêşandana senivîzyoneke derbarê şehîdên Hesekê de bi dawî bû.
