Di operasyona ewlekirina riya Dêrazor-Himisê de, 10 endamên hêzên hikumeta Şamê û komên ji Lîwa El-Quds yên alîgirên wan bi mayînên çeteyên DAIŞ`ê hatin kuştin.
Sibeha roja Şemiyê ji bo ewlekirina riya Dêrezor-Himisê komên Lîwa El-Quds û Feyleqa 5`an yên alîgirên hikumeta Şamê, li beriya Sûriyê dest bi operasyonekê kirin. Piştî çalakbûna çeteyên DAIŞ`ê ku gelek kemîn li ser rê danîn operasyon hat destpêkirin.
Hemwextî wê, balafirên şer yên Rûsya destek dan operasyona ji Kebacib û El-Şola yên rojavayê Dêrezorê û heta El-Sexneyê ve hatî destpêkirin.
Navenda Çavdêriya Mafên Mirovan ya Sûriyê (SOHR) ragihand ku di çend rojên dawî de 10 endamên hêzên hikumetê û komên alîgirên wê bi mayînên çeteyên DAIŞ`ê li herêma El-Tîba ya girêdayî El-Sexne li rojhilatê Himisê danîn, hatine kuştin.
Balafirên şer yên Rûsya li sêkoşeya Hema-Heleb-Reqa zêdetirî 40 êrişên asîmanî li dijî nuqteyên çeteyên DAIŞ`ê pêk anîbûn.
