Li kampa Holê çeteyekî DAIŞ’ê êrişî Hêzên Ewlekariya Hundir kir. Di encamê de şer ket. Çeteyê êriş kirî xwe teqand.
Li gorî agahiyên çakvaniyan ji kampa Holê dayîn, endamekî şaneyên DAIŞ’ê ku li kampê sûcên kuştinê dikirin hat bêbandorkirin.
Çavkaniyan diyar kir ku li ser isbatên ku endamekî şaneyên DAIŞ’ê li beşa 4’an ya kampê sûcên kuştinê dike, Hêzên Ewlekariya Hundir dest bi operasyonê kirin. Li gorî heman çavkaniyan çeteyê DAIŞ’ê gule li hêzên ewlekariyê reşandin û şer derket. Di encamê de endamekî Hêzên Ewlekariya Hundir şehîd, yek jî birîndar bû.
Çavkaniyan da zanîn ku çete piştî ku ji aliyê hêzên ewlekariyê ve hate dorpêçkirin xwe teqand.
Piştî bûyera kuştina serokê melisa sûrî Hemed Salih Hedîd (Ebû Ehmed El-Şemerî) û birîndarbûna kurê wî roja Înê ya di êrişa ji aliyê kesên nenas ve li kampa Holê, Hêzên Ewlekariya Hundir di seferberiyê de ne.
Di demên dawî de bûyerên kuştinê li kampa Holê zêde bûne. Di çend rojên dawî de 7 kes hatine kuştin.
