Hêzên Ewlekariya Hundir di çend rojên dawî de 6 cenazeyên kesên kuştî li kampa Holê dîtin. Hat zanîn ku ev kes bi destê şaneyên DAIŞ’ê hatine kuştin.
Li gorî agahiyên derbarê bûyerên kuştinê de yên li kampa Holê hatîn bidestxisitn, 5’ê Çile agahî ji Hêzên Ewlekariya Hundir re çû ku 3 cenaze li beşa duduyan ya koçberên iraqî yên li kampa Holê hatine dîtin.
Piştî ku Hêzên Ewlekariya Hundir dikeve tevgerê diyar dibe ku cenaze yên koçberên iraqî yên bi navê Îde Mihemed Ewad û hevjînê wê Îbrahîm Egle Setam ê sûrî û birayî wê Îyad Mihemed Ewad e. Her 3 jî bi guleyan ji serê xwe ve hatine kuştin.
Di heman rojê de, saet 17:00’ab, Hêzên Ewlekariya Hundir cenazeyê jinekê li beşa 4’an ya kampê kuştî dît. Li navneda Heyva Sor ya Kurd eşkere bû ku ew jin ji Helebê bi navê Samiya Ebdullah Hemed e û bi du guleyan ji serê xwe ve hatiye kuştin.
6ê mehê jî, agahiyeke din ji Hêzên Ewlekariya Hundir re çû ku ciwanek li beşa 5’an hatiye kuştin. Ew ciwan jî ji Sûriyê, ji şêniyên Hecînê, bi navê Mûsa Elî Seîd (26) e û bi du guleyan ji serê xwe ve hatiye kuştin.
Piştî wê bi rojekê jî diyar bû ku jineke bi navê Sûad Herîr Ebid Hemze ya iraqî ji Enbarê di serî de bi du guleyan hatiye kuştin.
