Şêniyên kantona Kobanê cenazeyê şehîd Silêman Osman li Goristana Şehîd Dîcle ya Kobanê veşartin. Di heman demê de, nasnameya şehîd Sulava Şêx Mihemed jî hat eşkerekirin.
Bi sedan ji şêniyên kantona Kobanê, cenazeyê şervanê QSD`ê Silêman Osman ku di qezayekê de li nêzî Bendava Tişrînê şehîd bûbû, spartin axê. Şehîd Silêman Osman (Diyar Şehba) ji gundê Sendera yê girêdayî bajarê Babê ye.
Di heman demê de, nasnameya gerîlaya YJA-STAR Sulava Şêx Mihemed (Zinarîn Zinar) ya ji gundê Bîr Zinar yê Kobanê ku di bersiva êrişên artêşa tirkî ya dagîrker de li çiyayên Kurdistanê şehîd bûbû, hat eşkerekirin.
Di merasima li goristanê de Hevserokê Meclisa PYD`ê ya Herêma Firatê Ehmed Şêxo di merasimê de axivî û got, divê destkeftiyên bi xwîna şehîdan hatîn bidestxistin, werin parastin.
Piştî axaftinan, cenazeyê şehîd Diyar di nava tilîliyên dayîkan de, hat veşartin.
