Ahmet AKTAŞ
Di pir medya û malperan de, ev xanedanan bûn mijjara gotinê; xanedana Trump, Receb û Berzanî.
Bi giranî di van salên dawî de, hema hema ji her alî ve van malbatan/xanewadenan, qedera xwe bi hev ve girê daye û di her warî de; îdarî, siyasî, aborî, civakî û hwd. jiyana wan şibiyan hev.
Her çendî Trump, bi navê modernîteyê an jî modernîta kapîtalîst û fermî weke Reis/Serok tevgeriya, lê Receb û Berzanî, di radeya feodalî, olî û eşîretî, lê wan jî li goreyî xwe yasa û fermiyet bi darê zorê û sixtekarî Reis/Seroktiya xwe ragihandin.
Her ku dijberiya wan bi hêz bû, wan jî erkê desthilatiyê tengtir kirin. Di van her du salên dawî de, hevalbendên(hevrêyên) xwe yên despêkê, yek bi yek ji desthilatiyê dûr xistin, mirovên ji malbatê xistin desthilatiyê; şwîna wan. Ji xwe di dema dawî de hema hema desthilatî bi temamî kirin yekdestî; ew û kurê xwe û zavayê xwe!
Mirov bala xwe dide her sê Reîsan, weke ku ji hev kopya kiribin; Trump û zavayê xwe Kushner, Receb û zavayê xwe Berat(Selçuk jî heye, xwedanê IHA û SIHA) û kurê xwe Bilal , Mesûd û zavayê(him birazayê)xwe Neçîr û kurê xwe Mesrûr. Em mafê Trump nexwin, piştî têkçûna hilbijartinan, kurê wî yê mezin Ji. derket holê û xwedê giravî xwe ji bo Reistiya 2024’a a Emrîka amade dike.
De kerem bike vê sedsala 21’ê! Çi modernîte, çi şaristanî! Civak avêtine hêlekê, radestî ûjdanê Coronavîrus kirine, ji bo parastin û temendirêjiya desthilatî û jiyana xwe ya takekesî jî, çi siyaseta gemar, bê ûjdanî, bê exlaqî û bê edaletî hebe didin meşandin.
Bi zanebûn dibêjim takekesî-ji xwe civak û mirovahî ne xema wan e- lewma nabêjim malbatî jî, ji ber ku zihniyeta wan, di encamê de rizgarkirina jiyana takekesî ye, xema wan ew bi tenê ye, ne malbate û ne civak e.
Lê wisa diyar e, êdî çendîn xwedanê derfet û hêza dewletî bin jî, nema dikarin temendirêj bin. Ji aliyê naskirina sixtekarî û derewkeriya wan ve zêde pirsgrêk nemaye, civak bi giranî êdî wan baştir nas dikin û desthilatiya wan naxwazin.
Bi tenê di destê van reîsên zalim de, bi karanîna hêza zordestiyê, kotekiyê maye. Bi vêna civakê û gelan ditirsîne. Ji ber ku civak û gel, li devera ku têra xwe bi rêxistin nebûne bandora tirsê heye. Lê deverên ku gel û civak xwe lê bi rêxistin kirine û bûne xwedî îrade, ev zaliman pir jê ditirsin û lewma bi hemû hêza hevbeş êrîşî ser wê îradeyê dikin.
Nuha ew êrîşên bi giştî yên li ser gelê me û Tevgêra Azadiya me û Rêberiya gelê me, bi taybetî jî hewldanên pêkanîna şerê navxweyî yen li her çar parçeyên Kurdistanê jî encamê vê tirsa wan e.
Wa ye reisê reisan Trump’ê wan têkçû, têkçûna hevçarenûsên wî Receb û Berzanî jî nêztir dibe!
