Ahmet AKTAŞ
Bi giranî guman ew e ku “dostayiya” Putin û Receb êdî ber bi têkçûnê ve diçe. Jixwe ne ti dostayî bû, weke gotina kurdî,”mîna dîwarê xerabe bû”, an jî “weke biratiya qulung û rovî bû”. Wisa diyar dibe ku êdî her du jî bi dek û dolabên hevdu baş hesiyan e û dostaya wanber bi qonaxa dawiyê diçe!
Hêrsbûna wan, ji Idlibê despêkir, li Libyayê pêşve ket, mezin bû û li Qerebaxê ber bi dawiyê diçe.
Li gorî şîrovekaran û bi taybetî jî şîrovekarê pisporê Rusyayê Kerim Xas, bi ber firehî behsa nakokiyên navbêna wan dike. Dibêje bi xurtî çapemeniya Rusyayê, nerazîbûna xwe li dijî Tirkiyeyê dide der û bi hûrgilî bahsa hewldanên Tirkiye yên ji bo Azerbeycanê êrîşî ser Ermenistanê bike dike.
Weke mînak, analîzên rojnameya Kommersant’ê nîşan dide û dûr û dirêj bahsa amadekariyên Tirkiyeyê, yên ji bo şerê navbêna Azerbeycanê û Ermenistanê dike.
Dema tetbîqata hevpar a Tirkiye û Azerbeycanê ya di Tîrmeh-Tebaxê de pêkhat, Wezîrê Bergirî H.Akar û Serokê Leşkerî General Umit Dundar jî beşdar dibin. Piştî TETBÎQATÊ, 600 personelên pisporê leşkerî li Azerbeycanê, deverên stratejî bi cih dikin. Hijmarek mezin çeteyan û perwerdekiriyên şîrketa SADAT’a ewlekeriyê ya taybet a Receb jî dikişînin devera şer. Rojekê piştî şer, di 28’ê Îlonê de H.Akar û U.Dundar dîsa diçin Azerbeycanê û heta 30’ê Îlonê jî li wir dimînin!
Van agahiyên wisa yên çapemeniya Rûsyayê, wê dema ku her du firokeyên Rûsyayê ji aliyê Tirkiyeyê ve hatibû xistin tînin bîr mirovan. Di wê demê de jî rayederên Rusyayê gelek hêrs bûbûn, hinek kiryarên qirêj ên Tirkiyeyê, weke mînak; têkiliyên germ ên Receb û DAIŞ’ê, çawa petrolê bi rêya DAIŞ’ê difroşîn û hwd.çawa têr û tije û şênbêr, bi dîmenan didan çapemeniyê û medya cîhanê!
Hilbet van agahîna hemû ji aliyê Rûsyayê ve bi detay tên zanîn. Him ji van hewldanên dijberî polîtîkaya Rûsyayê, him ji gelek hewldanên din yên Receb, Rûsyayê-Putin gelek hêrs dike.
Di Sibatê de Receb çûbû Kievê. Her wiha di 15.10.2020 de Serokê Ukranyayê V.Zelenski jî hatibû Enqereyê. Daxwiyaniyên wan Rusya gelek nerihet kiri ye.
Di encama dijwarbûna van nakokîyan de, li gel ku Aliyev israr jî kiribû, Putîn, Receb ne vexwend ser maseya agirbestê û bazara navbêna Azerbeycan û Ermenistanê! Lavrov jî got “Tirkiye ne hevalbendê me yê stratejik e”!
Rûsya û Misir, bi hevre tetbîqatek mezin li Deryaya Reş çêdikin û ew ê heta dawiya vê salê bi domîne.
Xerabûna van “dostayî-biratiyên” sixte, gûmana meşandina wan projeyên qirêj yên hevpar ên li ser Rojava jî lawaz dibe.
Her wiha mijara Rojava-Rêveberiya Xweseriya Demokratî, dibe ku hinek bêhtir pozitif bikeve rojeva cîhanê. Weke mînak, heyetek ji Swêd a wezareta derve li Rojava û li gel Rêveberiya Xweser fermî danstnadin pêkanîn.
Çendîn serdestiya dewleta Tirka lawaz bibe, ewqas li Kurdistanê û hemû herêmê pêşkeftinên bi rûmet ên azadiyê, demokrasiyê û wekheviyê xurtir dibe.
