Hunermendên Rojavayê Kurdistanê, klîba xwe ya herî nû bi navê Revanê Resen li tora civakî ya YouTube belav kirin, ku bi zimanê kurdî û erebî tê de xwandine.
Hunermendên Kurd û Ereb bi hev re klîbeke balkêş amade û belav kirine, tê de bi zimanê li herêma Rojavayê Kurdistanê distirînin, vê carê Mêrînî jî tê de heye.
Di klîbê de, hunermendên Kurd û Ereb ên ji herêmê beşdar bûne.
Berhema nû ji aliyê hunermend Bêkes Darî ve hatiye amadekirin û Kawe Xalîd dabeşkirina mûzîkê jê re kiriye û 22 hunermendên Kurd û Ereb bi hev re distirînin.
Vîdyoklîb ji aliyê Hunergeha welat ve hatiye amadekirin û Delîl Mîrsaz derhêneriya wê kiriye, herwiha Ronî Elî karê montajê û Elî Koçer û Roder Hebîb karê kişandina dîmenê klîbê kirine.
Di klîbê de stranên folklorî yên wek Zembîlfiroş û Hoy Hoy Memo û Hoy Hoy Esmer hatine xwandin, ku xelkê Kurdistanê ji her çar parçeyên Kurdistanê gelek bîrewerî li gel wan stranan hene.
Rojavayê Kurdistanê mozaîkek e, Kurd, Ereb, Ermenî, Suryanî, Misilman, Êzîdî, Mesîhî û gelek civakên din bi hev re di nava aştiyê de dijîn.
Hunermendên Rojava klîbek bi zimanên Kurdî û Erebî belav kirin
