Nexweşxaneya Xalid Fecir a taxa Şêxmeqsûdê tedbîrên li dijî Koronavûrêsê didomînin. Rêveberiya nexweşxaneyê diyar kir ku heta niha li taxa Şêxmeqsûd û Eşrefiyê ti nexweşên bi Koronayê nehatine tesbîtkirin.
Meclisa Tenduristiyê û nexweşxaneyê Xalif Fecir a taxa Şêxmeqsûd a Helebê xebata xwe ya li dijî vîrûsa Koronayê û parastina welatiyan didomîne. Di nexweşxaneyê de sîstemeke nû ji bo pêşwazîkirina nexweşan hat diyarkirin.
Li deriyê ketina nexweşxaneyê konek mîna kilînkê hatiye amadekirin. Berî ku nexweş derbasî nexweşxaneyê bibe testa keşifkirina vîrûsa Koronayê jê re tê çêkirin. Pişt re ji aliyê bijîşkan ve tê venêrîn û li gorî nexweşiya wî derbasî beşên pêwîst tê kirin.
Di vê derbarê de endama rêveber a nexweşxaneya Xalid Fecir, Rûken Temo diyar kir ku tedbîrên xweparatinê ji vîrusê hatine girtin, xebatkarên tenduristiyê ji bo parastina welatiyan di nava tevgerê de ne.
Rûken diyar kir heta niha nexweşî li şêniyên taxa Şêxmeqûsd û Eşrefiyê nehatiye tesbîtkirin.
