Rêveberiya Xweser a Bakur û Rojhilatê Sûriyê bal kişand ser însiyatîfa MSD‘ê ya têkildarî girtî, kesên revandî û windayên li seranserê Sûriyê. Rêveberiyê diyar kir ku ji vê însiyatîfê re vekirî ye û amade ye bi tevayiya derfetên xwe bi ser bixe.
Rêveberiya Xweser a Bakur û Rojhilatê Sûriyê girêdayî însiyatîfa Meclisa Sûriya Demokratîk (MSD) avakirina komîteyekê da ku dosyaya kesên winda û revandî li seranserê Sûriyê bişopîne daxuyanî da.
Rêveberiyê di daxuyaniyê de diyar kir ku aloziya Sûriyê berdewam e û hê gelên wê êşê dikişînin. Ajandeyên derve berpirsên giranbûna vê aloziyê ne. Kesên rola wan di sînordarkirina vê aloziyê de heyî li pêşberî berpirsyariyên dîrokî û exlaqî ne.
Di berdewama daxuyaniyê de hat wiha hat gotin: “Ji ber vê aloziyê karesteke mirovî çêbû, yek ji wan jî koçberkirin, girtin, revandin û windabûna bi hezaran, ku heta niha çarenûsa wan ne diyar e. Ev bandoreke mezin li jiyana bi hezaran malbat û zarokên kesên windayî dike.”
Rêveberiyê di daxuyaniya xwe de ev nirxandin kir: “Wek Rêveberiya Xweser a Bakur û Rojhilatê Sûriyê em ketina ferqa pêwîstiya hevkariyê di navbera aliyên cuda de û diyar dikin ku tevayiya girtîgehên girêdayî Rêveberiya Xweser li pêşiya hemûyan ên ku vê dosyayê dişopînin vekirî ne. Gelek aliyan di serî de Rêxistina Human Rights Watch û Xaça Sor a Neteweyên Yekbûyî serdana van cihan kirine. Tevayiya girtiyên li cem me terorîstên DAIŞ`ê ne û yên ku sûc kirine. Bi dehan raporên belgekirî di vî warî de hene.”
Her wiha Rêveberiya Xweser diyar kir ku ji însiyatîfa Meclisa Sûriya Demokratîk re vekirî ne û piştgiriya wê dikin.
Rêveberiyê diyar kir ku însyatîf ji bo cihê qebûlkirin û teqdîrê ye û got emê bi kesên têkildarî vê însiyatîfê re hevkar bin da çaranûsa windayan li herêmên Rêveberiya Xweser eşkere bikin. Rêveberiyê bang li tevayiya aliyên têkildar kir ku di vê çarçoveyê de bi erênî hevkar bin.
