Hêzên Ewlekariya Navxweyî derbarê êrîşa ji aliyê hêzên girêdayî rejîma Sûriyê ve hatî kirin ku 3 wesaitên asayişê, şaredarî û saziya tenduristiyê kirin hedef daxuyaniyeke nivîskî dan û hat gotin, “Berpirsê êrîşa şehîdkirin û birîndakirîna endamên me, rejîma Sûriyeyê ye.”
Hêzên ku girêdayî rejîma Sûriyê roja Şemiyê li Qamîşlo êrîşî 3 wesaitên girêdayî asayişê, şaredarî û saziya tenduristiyê kirin. Di êrîşê de endamê asayişê Ciwan Salih şehîd bû, endamekî asayişê jî birîndar bû.
Daxuyaniya nivîskî ya Navenda Çapemeniya Hêzên Ewlekariya Navxweyî ya Bakur û Rojhilatê Sûriyeyê wiha ye:
“Rejîma Sûriyê roja Şemiyê li Qamişlo 3 wesaitên girêdayî hêzên me, xebatkarên paqijiyê yên şaredariya gel û endamên tenduristiyê kirin hedef. Wesita ku hêzên me tê de endamekî me şehîd bû, yek jî birîndar bû.
Em, Hêzên Ewlekariya Navxweyî ji bo rêxistina xwe, malbata şehîd û hevalê xwe sersaxiyê dixwazîn. Em vê êrîşa endamên rejîmê şermezar dikin. Em dîsa soz didin ku wê ev êrîşên ku gelê me û hêzên me dikin hedef nehêlin bigihîjin hedefa xwe û wê nikaribin îradeya me bişkînin. Berpirsê vî sûcê bi tirs, rejîma Sûriyeyê ye.”
