Meclis û komîteyên karûbarê civakî yên kantona Şehbayê li 2 hezar malbatên ji Efrînê yên li navçeya Fafînê ya kantona Şehbayê bi cih bûyîn, xwerek belav kirin.
Meclisên kantona Efrînê bi hevkariya komîteyên karûbarê civakî mehane li şêniyên herêma Efrînê yên li seranserê herêmên kantona Şehbayê bi cih bûyîn, xwerek belav dikin. Meclis bi armanca parastina şêniyan ji Koronavîrusê (Covid-19) mal bi mal digerin.
Endama Komîteya Karê Civakî ya Meclisa Fafînê Sena Berekat têkildarî mijarê wih agot: “Me tedbîrên parastina ji vîrûsa koronayê girtin û bi hevkariya komînan, xwerek û amûrên dezenfektekirinê mal bi mal belav kirin. Herwiha me şênî hişyar kirin ku ji xetera belavbûna vîrûsê xwe biparêzin.”
Sena Berekat di dawiya axaftina xwe de bang li welatiyan kir ku ji wan re hevkar bin û parastina xwe ji vîrûsê bikin.
Li Şehbayê li 2 hezar malbatan xwerek hat belavkirin
