Meclisa Jinan a Minbicê diyar kir ku di demekê de ku derfet û enerjiya xwe ji bo têkoşîna li dijî Koronavîrûsê (Covid-19) bi kar tînin, artêşa Tirk vê ji xwe re dike fersend û xaka Bakur û Rojhilatê Sûriyê topbaran dike.
Tevî ku QSDê banga NY ya agirbestê ya ji bo têkoşîna li hemberî korona erê kir hê jî artêşa Tirk a dagîrker êrîşî Bakur û Rojhilatê Sûriyê dike.
Meclisa Jinan a Minbicê û Gundewarên wê bi daxuyaniyekê êrîşên artêşa Tirk şermezar kirin.
Di destpêka daxuyaniyê de wiha hat gotin: “Jinên bajarê Minbicê êrîşên artêşa Tirk ên ser Bakur û Rojhilatê Sûriyê nexasim êrîşên dawî yên ser gundewarên Minbicê ku di encamê de zarokekê jiyana xwe ji dest û bavê wê jî birîndar bû, şermezar dikin.
Cîhan tev bi vîrûsa koronayê ve mijûl e lê dewleta Tirk êrîşî xaka me dike. Herwiha li ser welatiyên me yên Hesekê avê qut dike.
‘Dewleta Tirk li şûna ku tedbîrên Koronavîrûsê bigire, xaka me topbaran dike’
