Zehra Şêxî ya ji bajarokê Şêranê yê ser Kobanê, tevî dinyayê nabîne, lê heskirina wê ya ji ziman û çanda Kurdî, wisa kiriye ku xwediya behreyeke hunerê ya bihêz be.
Zehra Şêxî hem li tembûrê dixe, hem stranan dibêje, zimanê wê yê Kurdî, ji gelek kesên bi çavan tîp û gotinan dibînin baştir e û xweş bi zimanê Kurdî diaxive û baş têdighe.
Zehra Berkil (38) wiha behsa xwe dike: “Ez û xwîşka xwe her du nabînin, ez stiranan dibêjim, lê xwîşka min nabêje. Em heft xwîşk û du bira bûn. Her du birayên min zewicîn. Xwîşkên me hemû zewicîn. Min xwe fêrî stiranên Şivan Perwer kir. Ez stiranên Eyşe Şan û Faris jî dibêjim.
Deng û awazên Zehra Berkil ji sînorê malê derbas dibin û dost û mirovên wê gelek caran li dora wê kom dibin û guhdarî stiran û tembûra wê dikin.
Zehra Berkil herwiha got, “Ez dixwazim stiranan çêkim û xwe di warê mûzikê de pêş bixim. Ji dema zarokatiya min ve mereqa min ya stranan hebû.”
Bi gotina Zehira xewna wê ew e ku kesek lê xwedî derkeve û di warê hunerê de xwe pêş bixe.
