KJK: Di vê dema vîrûsa Koronayê de divê em daxwaziya azadiya Rêber Apo û girtiyên siyasî xurttir û birêxistin bikin. Divê ji her demê pirtir ev daxwazî bê bihêzkirin û xurtkirin.
Koordînasyona Komalên Jinên Kurdistanê (KJK), têkildarî vîrûsa Korona daxuyaniyeke nivîskî da.
Di daxuyaniyê de wiha hat gotin: “Vîrûsa Korona ya ku ev demek e rojeva herî girîng a cîhanê ye, nîşana xetera modernîteya kapitalîst a di jiyana mirovan de rûbirû hatiye. Di sîstema kapitalîst de her demê jiyana mirovan di xeterê de ye. Ji ber ku hirsa kar ya kapitalîzmê bi lez vediguhere talanê, çavkanî bi lez di tine dibin û bi sîstema ekolojiyê dilîzin. Cîhanê vediguherînin qadeke ku jiyan lê nebe. Atmosfer xerab kirin. Ji ber wê her roj em bi encamên cuda re rûbirû dimînin. Vîrûsa Korona jî yek ji wan e. Îro di têkoşîna li dijî vîrûsê ya belavî cîhanê bûyî de çareseriya dewletên cîhanî weke ‘li bendê bimîne ka wê çi bibe, yên sax bimînin jî yên me ne’ çareserî dîtiye.”
‘TIRKIYE JI MIRINA BERPIRS E’
KJK’ê diyar kir bi lez vîrûs belav dibe û rê li ber mirinê vedike û wiha ev nirxandin kir: “Gelek welat bi zanabûn mudaxeleya wê taloq kirin û ji mirinên bûyîn berpirs in. Yek ji van welatan Tirkiye ye. Li Tirkiyê ku ji aliyê rejîmeke faşîst ve tê birêvebirin, bi rûtîniya nefikire, neaxive û nebîne mîna her demê bi hewaya ku her tişt di kontrolê de ye kirin. Lê raya giştî ev qebûl nekir, şermezar kir û nerazîbûn nişan da. Pişt re di daxuyaniyên ji aliyê hikûmetê ve hatîn dayîn de hat diyarkirin ku vîrûs pir bi sînorkirî ye û di vê mijarê de tedbîrên pêwîst girtine. Ya girîng di vê demê de hikûmetê leşker veguhestin Idlibê û li Bakurê Kurdistanê jî dest bi operasyonên Biharê kir.
LI RÊBER APO Û GIRTIYAN XEÎ DERKEVIN
Herî dawî KJK’ê di daxuyaniya xwe de wiha got: “Bi salan e dewleta Tirk bi darê zorê bi hezaran girtiyên siyasî avêtine zindanan û tecrîda herî giran li ser Rêber Apo tê kirin. Ji ber ku piraniya cîhanê ev demek e di îzolasyonekê de ye, Rêber Apo û girtiyên siyasî yên di nava îzolasyonê de qîr bikin jî dengê wan nayê bihîstin, bimirin jî kesek nîne ku destê xwe dirêj bike. Lewre di nava avayî û cihekî teng de ne ku bi hucreyên heyî her cure mafên wan tên xwarin û mekanîzmayên şidandî yên kontrolê, zextên pîskolojîk, pêkanînên mîna çavdêriyê û ve yek bi sîstematîk tê kirin. Ji bo vê di serî de divê raya giştî, gelê Kurd, ciwan û jin li Rêber Apo û girtiyên siyasî xwedî derkevin. Di vê dema vîrûsa Koronayê de divê em daxwaziya azadiya Rêber Apo û girtiyên siyasî û hê zêdetir xurt û birêxistin bikin.
