Qedexeya derketina derve li bajar û gundewaran dewam dike û komîteyên çavdêriya pêdiviyan ya Gerînendetiya Zimhêrê bihayê pêdiviyan dişopînin û rê li pêşiya keysbaziyê digirin.
Di demekê de ku li seranserê Bakur û Rojhilatê Sûriyê derketina derve qedexe ye, barê komîteyên zimhêrê girantir bûye, nexasim di dema kirînfirotinê de. Lewre divê komîte gerên xwe li dikanan zêdetir bike û di zûtirîn demê de li hejmareke mezin ji dikanan bigere. Ji ber wê ji roja yekê ya qedexeyê ve komîte li ser firin û firoşgehan digerin.
Komîteya Zimhêrê bihayê pêwîstiyan dişopîne û rê li pêşiya keysbaziyê digire ku bazirgan û dikan tev li gorî bihayê diyarkirî tev bigerin. Li aliyekî din jî komîte qedexe dike ku hejmareke mezin ji şêniyan di heman dikanê de bimînin û dikanên li gorî qedexeya derketinê tev nagerin, digirin.
