Ji ber qedexeya derketina derve, Rêveberiya Xweser a Bakur û Rojhilatê Sûriyê, ji bo malbatên xizan biryarên nû dan.
Hevserokatiya Meclisa Rêveber a Rêveberiya Xweser a Bakur û Rojhilatê Sûriyê li ser mijarê daxuyaniyek da.
Di daxuyaniyê de wiha hat gotin: “Ji ber dirêjbûna dema qedexeya derketina derve malbatên xizan ên debara xwe bi karê xwe yê rojane dikin, nikarin pêwîstiyên xwe pêk bînin. Ji bo alîkariya van malbatan, wê paketên xwerek li rêveberiyên xweser û sivîl ên demokratîk ên Bakur û Rojhilatê Sûriyê werin belavkirin, da bilez li malbatên xizan werin belavkirin.”
Hevserokatiyê herwiha biryar da ku ji bo pêşîgirtina li belavbûna Koronavîrûsê, cenazeyên miriyan ên derbasî Bakur û Rojhilatê Sûriyê dibin, li goristanên taybet ên nêzî deriyê tê re derbas bûyîn werin veşartin.
Meclisa Rêveber biryar da ku kesên derbarî Bakur û Rojhilatê Sûriyê dibin 14 rojan di karantînayê de bimînin.
