Nexweşiya Koronavîrusê (Covid-19) her ku diçe belav dibe. Li gorî Rêveberiya Xweser a Bakur û Rojhilatê Sûriyê heta niha li herêmên rêveberiyê ti bûyerên vegirtina vîrûsê nehatine dîtin.
Rêveberiyê ji bo pêşîgirtina li belavbûna wê gelek tedbîr girtin. Ji wan tedbîran dibistan, sazî, deriyên sînor hatin girtin û biryara qedexeya derketina derve hat dayîn.
Li seranserê herêmê kare paqijkirin û dezenfektekirina kolan, sazî navend hwd. didome.
Li bajarê Hesekê Mûdîriyeta Tenduristiyê bi hevkariya şaredariyan dest bi merheleya sisiyan dezenfektekirinê kir.
Di vê çarçoveyê de dibistanên bajarê Hesekê, gund û bajarokên girêdayî wê, herwiha dibistanên koçber lê hatîn bicihkirin, tev hatin dezenfektekirin.
Berî niha mûdîriyetê saziyên sivîl, xizmetgûzarî û leşkerî yên bajêr û gundên wê dezenfekte kirin.
