Şaneya Krîzê ya kantona Şehbayê ji bo pêlşîgirtina li pêşiya vîrûsa Koronayê komek ji sivîlên gundên kantonê erkdar kir ku bendan daynin û nehêlin erebe û kesên biyanî derbasî herêmê bibin.
Li seranserê Bakur û Rojhilatê Sûriyê tedbîrên ji bo pêşîgirtina li belavbûna Koronavîrûsê dewam dikin.
Li kantona Şehbayê jî bi vê pêmanê gelek tedbîr hatin girtin. Şaneya Krîzê ya kantona Şehbayê komek ji sivîlên gundên kantonê erkdar kir ku bendan daynin û nehêlin erebe û kesên biyanî derbasî herêmê bibin.
Şêniyê bi navê Selah Ebdullah yê ji kantona Efrînê ku li navçeya Ehdasê ya Şehbayê dimîne, diyar kir ku naxwazin ev vîrûs li herêmên wan belav bibe û got, ji ber wê em ji saet 07:00 heta 20:00‘an bi hevkariya şêniyên gund nobetê digirin.
Selah Ebdullah bang li şêniyan kir ku ji malên xwe dernekevin
Welatiyê bi navê Mihemed Emorî jî ku li ser bendeke navçeya Fafînê ya kantona Şehbayê nobetê digre, bang li şêniyan kir ku li gorî biryarên hatîn girtin tev bigerin û nebin sedem ku vîrûs li herêmê belav bibe.
Şêniyê bi navê Mihemed Eco yê ji gundê Meret El- Mislimiyê jî wiha, got: “Em şêniyên gund hişyar dikin ku dernekevin û serdanên xwe bihêlin ji demek din re. Divê em bi hev re bibin alîkar da xwe ji vîrûsê biparêzin.”
