Esmihan Gedro/Qamişlo
Komîteya Amadekar ya Newrozê ya Rojava bi daxuyaniyek ê bernameya pîrozbahiya Newroza 2026`an ya 7 bajarên Cizîrê eşkere kir.
Li Qamişlo komîteya Amadekar ji bo eşkerekirina bernameya pîrozbahiya Newroza 2026`an li pêşiya Navenda Mihemed Şêxo daxuyaniyek da. Di daxuyaniyê de saziyên sivîl, malbatên şehîdan û endamên çand û hunerê amade bûn. Daxuynî ji aliyê endamê Komîteya Amadekar Keder Hisên ve hate xwendin.
Di destpêka daxuyaniyê de wiha hat gotin: “Newroz di bira dîrokî ya gelê Kurd de ne tenê cejneke, ew sembola berxwedanê li diji zulmê, baweriya azadî û ji nûvevejînê ye. Agirê Azadiyê ku Kawayê Hesinkar li dijî zalim Dehak şewitand, bi dedan salan berdewamî rihê berxwedanê ya gelê Kurd ronî kir. Iro jî agirê Newrozê ku li Rojava, Rojhilat, Başûr û Bakur tê vêxistin berdewamiya vê berxwedna dîrokî ye. Gelê Kurd di dirêjahiya dîrokê de, tevî siyaseta înkarê, zordariyê û tunekirinê, kari bûye ziman, çand û nasnameya xwe biparêze. Bi saya vê ruha berxwedanê, Kurdan îro ji têkoşîna ji bo azadi, demokrasî û jiyaneke bi rûmet didomînin. Agirê Newrozê ji sembola vê îrade û biryarê ye. Agirê Newrozê ku li Rojava bilind dibe di heman demê de Agirê daxwaza yekîtiya neteweyî ya gelê Kurd e.”
Daxuyanî wiha berdewam kir: “Dîrok nîşan daye ku parastina destkeftiyên Kurdan û mezinbûna azadiyê tenê bi yekîtiya neteweyî pêktê. Her çiqas em xwedî raman û nêzîkatiyên siyasî yên cihî bin jî, îro yekbûn li dora nirxên hevpar û mafên neteweyî yên gelê Kurd berpirsyariyeke mezin e. Ruhê Newrozê ji me re berxwedan, hevkarî û têkoşîna bi hev re fêr dike. Gelê Kurd li ser van axan ne tenê jib o azadiya xwe, lê di heman demê de ji bo jiyana azad û demokratîk a hemû gelan jî têkoşîn dike. Li çar parçeyên Kurdistanê dive em bi ruhê ku Rêber Apo ji bo parastina hebûna Kurd û misogerkirina azadiyê û bi çareseriya yekîtiya neteweyî ya demokratîk dane destnîşan kirin em yekîtiya neteweyî bilind bikin û li dijî van êrîşan rawestin.”
Daxuyanî wiha bidawî bû:” Em weke Komîteya Amadekar ya Newroza Rojava vê sale Newrozê wek cejna ku rihê berxwedanê ya gekê Kurd, yekîtiya neteweyî ya demokratîk û nirxên civakî mezin dike pîroz dikin. Em bang li hemû gekê me dikin ku qadên Newrozê bikin qadên rûmeta gelê Kurd. Bi ruhê yekîtiya neteweyî em ê agirê Newrozê geş bikin û em Newrozê bikin Newroza azadiya Rêber Apo û yekîtiya demokratik a Kurdan. Di bin vê dirûşimê de wê ahengên Cejina Newroza 2026’an bê lidarxistin li 7 bajaran wiha ne::
Dêrik: Cih: Qada Şehîda Çiçek
Dem: Seet 11
Girkêlegê Cih: Hilêq
Dem Seet 11
Tirbespiyê Cih: Dirêjîk
Dem Seet 11
Qamişlo Cih Hîmo
Dem: Seet 11
Amûdê: Cih Çaxir Bazar
Dem Seet 11
Dirbêsiyê + Til Temir: Çolbistan
Dem :Seet 11
Hesekê Cih: Sed
Dem :Seet 11”
Piştî daxuyanî qediya herî dawî agirê Newrozê ji hêla malbatên şehîdan ve hat vêxistin.
