Esmihan Gedro/Reqa
Bi boneya 25’ê Mijdarê bi dirûşmeya “Em bi hev re li dijî tundiyê civakeke demokratîk û komînal ava bikin” meşeke girseyî li bajarê Reqayê hat lidarxistin.
Meş ji panoramayê heta qada Jina Azad berdewam kir. Di meşê de tevahî jinên Reqa,Tepaqa û Dêrezorê beşdar bûn. Di meşê de dirûşmeyên `jin jiyan azadî` `Bê Serok jiyan nabe` hatin gotin. Herwiha alên YPJ’ê, Kombûna Jinên Zenûbiya û Kongra Star hatin rakirin.
Piştî meş gihaşt qada Jina Azad li wir beşdarvan deqeyekê li ser giyanên şehîdan rawestiyan, piştre li ser navê Kombûna Jinên zenûbya Xod El-Îse axivî.
Xod El Îsa bi xêrhatina tevahiya beşdarvanên meşê kir û wiha domand:”Em jin bi awayek azad di vê meşa dîrokî de bi yek dengî radiwestinç Em ne tenê ji bo birêxistinkirinê ne, lê ji bo ragihandina hêz û sekina xwe li ser piyane û em bang dikin ku jinên sûryê bêdeng nemînin.”
Xod El-îse di dawiya axaftina xwe de wiha got: “Ev bû demeke dirêj em rastî neheqî û zilma civakî ya ji aliyê rêjîmê ve tên rêjîma ku hewl daye mafên me sînordar bike û li hemberî me bêdeng maye em weke jinên Sûriyeya demokratîk û piralî , sûriyeke nenavendî ava bikin.”
Piştre Berdevka Rêveberiya Jin a Bakur û Rojhilatê Sûriyê Edelet Omer axivî: “Bi boneya 25`ê Mijdarê di kesayeta her sê xwîşkên bîrabal yên ku li beramberî tundiyê bêdeng neman ,yên ku li beranberî destdirêjiyê serî netewandin yên ku li ber desthilatdariyê têkoşîn kirin û bûn sembola têkoşînê bi bîr tînin. Her wiha hemû kesên ku li beranberî tundiyê dimînin li hemberî hişmendiya baviksalarî dimînin û tên qetilkirin em wan bibîr tînin û silavên bê dawî ji hemû jinên ku îro daketine qadan li ser asta cîhanê û ji bo azadiya xwe bidest bixin em wan silav dikin.”
