Lîloz Hisên/Qamişlo
Bi boneya Têkoşîna li dijî Tundiya li ser Jin a Cîhanê, Meclisa Jinan a Partiya Sûriya Pêşerojê bi drûşma“Em bi hev re li dijî tundiyê civakeke demokratîk û komînal ava bikin” panêlek li dar xist.
Meclisa Jinan a Partiya Sûriya Pêşrojê bi rast hatina Roja Cîhanî a Têkoşîna li dijî tundiya li ser jinan, panelek bi drûşma “Em bi hev re li dijî tundiyê civakeke demokratîk û komînal ava bikin” li parka xwendinê ya bajarê Qamişlo li dar xist. Hemû rêxistinên jinan û partiyên siyasî beşdar panelê bûn.
Panel bi deqeyeke rêzgirtin ji bo giyanê şehîdan destpê kir, piştre cîgira berdevka bi navê Meclisa Jinan a Partiya Sûriya Pêşrojê Nişmî Temo bi xêrhatina û spasiya jinan kir ji bo tevlîbûna panela li ser tundiya ku li dijî jinan tê kirin.
Berdevka bi navê Meclisa Jinan a Sûriya Pêşrojê Meram Elî di panelê de axivî û tekez kir ku em li vir amade ne ne tenê ji bo ku em hejmar an raporên derbarê tundiya li dijî jinê pêk tê bînin ziman û wiha got: “Di heman demê de ev ne tenê çalakiyeke an jî drûşmeyan em tînin ziman, lê belê bangeke ji bo guhertinê ye herwiha em di wê baweriyê de bin ku her gaveke biçûk dê guhertineke mezin bi xwe re bîne.”
Piştre Hevseroka Meclisa Partiya Sûriya Pêşerojê Welîda Îsmaîl li ser tundiyê axivî û wiha got: “Tundiya li dijî jinê ne diyardeyeke di serdema nû de ye, lê belê ew mîraseke çandî û dîrokî ya giran e. hegemoniya ku li ser jinê pêk tê nimûneyeke ji hemû awayên zordarî û tundiyê, di nav de adetên civakî, siyasî û aborî. Rizgarkirina hişmendiyê dergeheke sereke ye ji bo guhertinê ye, berxwedana li dijî tundiyê berxwedaneke fikrî û ruhî ye. Yek ji amûrên guhertinê ew e avakirina meclisên jinan e, ku bibe hêzeke rastî ji bo parastina jinan, dê kar û barên wê yên yên civakî, aborî û dozgerî îdare bike.”
Di panelê de mudaxele ji hêla beşdarvanên jin hat kirin ku bang kirin da ku rêxistinên jinan piştgiriya jinan bikin di hemû war û pêvajoyên jiyanê di heman demê de tekezkirin ku kombûna jinan li ser vê maseyê serkeftineke mezin e.
Di panelê de hat tekezkirina ku tundiya li dijî jinê pêk tê sûceke nayê qebûl kirin, bang li hemû saziyên têkildar hat kirin da ku bi hev re vê diyardeyê bidawî bikin.
Panel bi komeke biryar hat bidawî kirin: Zêdekirina hişyariyê bi rêxistinkirina kampaniyên hişyariyê li ser awayên tundiyê di riya semîner û panelan ku hemû katagoriyên civakê hedef bigre, sekinandina li ser xurtkirina nirxên exlaqî û olî ku tundiyê qebûl nake û banga rêzgirtina hev du dike, xurtkirina aborî û civakî, aktîvkirina rola qanûn saziyan ku zext bê kirin ji bo pêkanîna qanûnên girêdayî tundiya li dijî jinê, berpirsyartiya civakî û taşwîqkirina zilaman ku bibin ferdên çalak di têkoşîna li dijî tundiya li ser jinan, belavkirina çanda rêzgirtinê di malbat û civakê de.
