Ronahî Sadûn/Qamişlo
Bi pêşengiya Şanoya Çiya, Tev-Çand û Fontî di pace (Çavkaniya Aştiyê) projeya zarhunera havînê ya zarokan bi dirûmeya “Em ê xwe fêrî xweşikbûn û zanistê bikin” bi daxuyaniyeke nivîskî hate dest pê kirin.
Projeya Zarhunera Havînê ya zarokan bi pêşengiya Şanoya Çiya, Tev-Çand û Fontî di pace (Çavkaniya Aştiyê) bi xwendina daxuyaniyeke nivîkî hate ragihandin. Daxuyanî bi tevlîbûna mamoste û zarokên Tev-Çandê li ser asta Kantona Cizîrê, li navenda Tev-Çand a bajarê Qamişlo hat dayîn.
Daxuyanî wiha hate destpêkirin: “Bi hezkirin û dilsoziyeke mezin ji bo avakirina nifşekî pêşeroj, da ku rastiya çanda me bidê vejandin, em dest bi pirojeya Zarhunera Havînê di bin dirûşmeya “Em ê xwe fêrî xweşikbûn û zanistê bikin” li ser asta Rojavayê Kurdistanê û Bakur û Rojhilatê Sûrî bi pêșengiya Şanoya Çiya, Tev-çand û Fontî Di Pace (Çavkaniya Aştiyê) dikin.”
Daxuyanî wiha hat domandin: “Zarhunera havînê wê li bajarê Dêrikê ji bo zarokên Serêkaniyê û Kampa Newroz, Rimêlan, Tilkoçer, Qamişlo ji bo zarokên Efrînê, gundê Girbawî û Hesekê pêk were. Ev xebat zarokên 7 salê heta 14 salê di nav xwede dihewînê û wê zarok fêrî beşa şano, wêne û di hin bajaran de fêrî muzîkê bibin. Armancên me ya sereke ji vê pirojê ew e ku em asta hunerî ji bo zarokan xurt bikin. Ji bo ku zarok di beşê wêne de xeyalên xwe fereh bikin, da ku bikarin xeyalên xwe ji herkesî re diyar bikin. Di beşê șano de jî lîstikên Kurdî yên ji çirok û destanê Kurdî vejîn bikin û dewlemendiya edebiyeta kurdî zêde bikin. Di beşê muzîkê de hewl bidin nifişên nû fêrî floklor û nasnameya kurdbûnê ya dinava muzîka kurdî de veşartiyê, perwerde bikin.
Daxuyanî wiha hate bidawîkirin: “Pirojeya me ya zarhunera havînê di 1’ê Pûşbera 2025’an de destpêdike û di 15’ê Tebaxa 2025’an de dawî dibe. Di vê demê de em ê 10 lîstikên şano herî kêm amadebikin. Herwiha em ê pêşengeheke wêneyan bi 1984 wêneyê li dar bixin. Di heman demê de di nava projeyê de li her bajarekî herî kêm wê 2 çalakiyên hunerî bên lidarxistin. Armanca me ya sereke ew e ku em 1000 zarokî/ê di vê pirojeyê de hedef bigirin, lewra girûpeka baş ji mamostên pispor hatine amadekirin. Ev demeka qeyd li navendên Çand û Hunerê dest pê bûya û bi xwendina vê daxuyaniyê em ji merhela pîlansaziyê derbasê piratikê dibin.”
