Stêrk Mihemed/Qamişlo
Ji aliyê Însiyatîfa Gel a Azadiya Rêber Apo li bajarê Qamişlo, bi dirûşmeya” Ji bo Rêber Apo azadî û ji pirsgirêka Kurd re çareserî ” meşeke girseyî hat lidarxistin.
Di çarçoveya rêzeçalakiyên ku ji bo azadiya fîzîkî ya Rêber Apo tên lidarxstin, Însiyatîfa Gel a Azadiya Rêber Apo bi dirûşmeya ’Ji bo Rêber Apo azadî û ji pirsgirêka Kurd re çareserî’ meşeke girseyî li bajarê Qamişlo li dar xist. Di meşê de sazî û meclisên Rêveberiya Xweser, tevger û rêxistinên jinan û bi sedan ji şêniyên bajarê Qamişlo beşdar bûn. Meş ji çarxereya Sonî hat destpêkirin û li çarxereya Şehîdan veguherî mêtîngê.
Piştî ku meş veguherî mîtîngê deqeyeke rêzgirtin li ser giyana şehîdan hat rawestandin. Piştre li ser navê Însîyatîva gel Şîraz Hemû axivî û wiha got: “Ev 27 salin hêzên kompiloger hewl didin ku di şexsê Rêber Apo de hêz û îradeya
civaka azadîxwaz û jiyana hevbeş ya di nava civakê de bişkînin. Bi destê Rêber Apo Rojhilata Navîn bû dergûşa mirovahiyê. Herwiha Rêber Apo çavên jinan li siyasetên ku li ser wan tê meşandin vekir û hemû planên navdewletî bi taybet ê dewleta Tirk vala derxist. Pêvajoya îro jî bi destê Rêber ber bi çareseriyê ve diçe, lê heta pergala işkence û qirkirinê li ser Rêber Apo berdewam be ev pêvajo biser nakeve, lewra azadiya fîzîkî ya Rêber Apo, pêvajoya çareseriyê pêk tîne.”
Meş bi siloganên “Bijî Rêber Apo, Bê Serok Jiyan Nabe û Azadiya Rêber Apo Azadiya Me Ye” bidawî bû.
