Ronaz Silêman/Qamişlo
Di roja 3’emîn a Mîhrîcana Fîlman a Nûjiyan de semînerek bi serenavê “Li paş Kamêra” hat dayîn û fîlma Rokera Çolê û 3 kurtefîlm yê Zar û Zaman, Mindaly Bilur û Kawboy yê dawî, hatin pêşkêşkirin.
Mîhrîcana Fîlman a jinan a Nûjiyan di 25’ê Gulanê de li bajarê Qamişlo ji aliyê Kolektîfa Kezî ya Jinên Sînameger, bi piştgiriya Sîna Jin a Rojava, Tevgera Çanda Jinên kevana Zêrîn, Sînamegerên Jin ên Ewropayê û Desteya Çandê ya Cizîrê ve hate organîzekirin û dê heya 31’ Gulan berdewam bike. Îro jî di roja xwe ya 3’yan de didome. Ev Mihrîcana yekemîne ji aliyê Sînameger û tevgerên jinên Azad li Bakur û Rojhilatê Sûriyê tê organîzekirin.
Di roja 2’emîn a Mîhrîcana Fîlman a Jinan a Nûjiyan de semînerek bi serenavê “Jin li pişta jinê, rêya belavkirin û mîhrîcanê fîlmên jina” hatibû lidarxistin, pêşangeha wêneyên şehîd Cîhan Bîlgîn hatibû vekirin û 3 fîlmên sînema û kurtefîlm hatibûn pêşandan.
Îro jî ku 27’ê Gulanê ye li Navenda Mihemed Şêxo ya Çand û Hunerê di seat 11’an de semînerek bi serenavê “Li paş Kamêra” ji aliyê panelist Liana Kassir û Suha Ezî ku ji Sûrî û Libnanê beşdar bibûn, hatibû dayîn. Li kêlek wê di danê evarî de li Parka Azadî fîlma Rokera Çolê û 3 kurtefîlm yê Zar û Zaman, Mindaly Bilur û Kawboy yê dawî, hatin pêşkêşkirin.
Li kêlek lidarxistina semîner, pêşkêşkirina film û kurtefiliman, pirtûkên Weşanxaneya Şilêr û berhemên karê destan ku ji aliyê jinan ve hatine çêkirin di hemû rojan de tên pêşkêşkirin.
Hêjayî bibîrxistinê ye ku wê Mîhrîcan heyanî 31’ê Gulanê bi pêşkêşkirina fîlîm, kurtefîlm, panêl û çalakiyên rengreng dewam bike. Herwiha di nava rojên mîhrîcanê de wê 37 kurtefîlm û belgefîmên ji Kurdistanê, Rojhilata Navîn, Amerîka, Ermenistan û Ewropa li Navenda Mihemed Şêxo ya Çand û Hunerê û Parka Azadî ya Qamişloyê werin pêşandan.
