Ayşa Silêman/ Dêrik
Îro Desteya Perwerdeyê ya kantona Cizîrê li bajarê Dêrikê ji bo bidawîbûna sala xwendinê civînek li dar xist, da ku pêşinyar û rexneyên mamosteyan nasbikin.
Desteya Perwerdeyê ya kantona Cizîrê li Hola Mişwar Elmelekî li bajarê Dêrikê ji bo bidawîbûna sala xwendinê civînek li dar xist, da ku pêşinyar û rexneyên mamosteyan nasbikin. Di civînê de hemû mamosteyên bajarê Dêrikê û gundewarên wê hazir bûbûn, di heman hemû endamên saziyên Rêveberiya Xweser jî hazir bûbûn.
Di destpêkê de hemû hazir bi xuleyek bêdeng li ser giyanê şehîdan rawestiyan, paşê qomîteya amadekar derfet da mamosteyan ku hemû rexne, pirsgirêk, astengî û pêşinyarên xwe bîne ziman.
Di heman demê de Hevseroka Meclisa Bajarê Dêrikê Rojîn Çeto jî hin nirxandin ji bo sala xwendinê kirin û bersiva pirsên mamoseyan da, her wiha hin pêşinyar jî ji bo sala xwendinê ya nû kirin.
Di berdewamiya civînê de jî endama Mecilsa Malbatên Şehîdan jî axivî û ev civîn diyarî giyanê pîroz kirin ku bi saya fedekariya wan îro her netewek bi zimanê xwe dixwîne.
Di dawiya civînê de jî Desteya Perwerdeyê û qomîta amadekar hin nirxandinkirrin li ser rexne, nêrin û pêşinyarên mamosteyan.
