Esma Mistefa/Qamişlo
Mihrîcana Fîlman a jinan a Nûjiyan bi diruşmeya “Nêrîna wê ji azadî, çîroka wê ji berxwedanê”. Roja xwe ya yekemîn li parka a Azadî li bajarê Qamişlo bi Fîlma Siwariyên Şengalê destpêkir.
Mihrîcana Fîlman a jinan a Nûjiyan ku ji aliyê Kolektîfa Kezî ya Jinên Sînameger ku bi piştgiriya Sîna Jin a Rojava, Tevgera Çanda Jinên kevana Zêrîn, Sînamegerên Jin ên Ewropayê û Desteya Çandê ya Cizîrê ve hatiye organîzekirin.
Mîhrîcana Nûjiyan ku di 25’ê Gulanê de hat destpêkirin û wê heyanî 31’ê Gulanê bi fîlm, semîner û çalakiyên cur be cur berdewam bike.
Hêjayî gotinê ye ku ev Mihrîcana yekemîne ji aliyê Sînameger û tevgerên jinên Azad li Bakur û Rojhilatê Sûriyê tê organîzekirin. Herwiha Mihrîcan bi navê rêheval û Rojnamevan Nûjiyan Erhan ku ji aliyê çekdarên PDK’ê ve di 2017’an de şehîd bûbû hatiye binavkirin.
Bernameya roja yekemîn bi rawestandina deqeyek rêzgirtin li ser giyanên şehîdan hat destpêkirin. Piştre axaftina vekirinê ji aliyê Kordînasyona Kolektîfa Jin a Keziyan Dêrsim Zêrevan ve hate kirin. Herwiha sinevizyonek li ser jiyana Şehîd Nûjiyan Erhan hate pêşkêşkirin û ji aliyê Kevana Zêrîn ve stran hatin pêşkêşkirin. Piştre Fîlma Siwariyên Şengalê hate pêşkêşkirin.
Bernameya Festîvalê wiha ye
25’ê Gulanê (Şahiya vekirinê û fîlma vekirinê ya Siwariyên Şengalê li Parka Azadî)
26’ê Gulanê Navenda Mihemed Şêxo (Semîner û Fîlma El Vaquero- Kawboy)
Parka Azadî (Fîlm Derya û pêlên wê- Kurtefîlm)
27ê Gulanê Navenda Mihemed Şêxo (Semîner û Fîlma Rokera Çolê) Parka Azadî (Fîlm Paşao dayîka min û ez- kurtefîlm)
28’ê Gulanê Navenda Mihemed Şêxo (Panel û Fîlm) Parka Azadî (Fîlma Strana Sîma- kurtefîlm)
29’ê Gulanê Navenda Mihemed Şêxo (Semîner- kurtefîlm- Fîlma Di sînameya Ermenistanê de jin) Parka Azadî (Fîlma Roja Aurora- kurtefîlm)
30’ê Gulanê Navenda Mihemed Şêxo (Semîner- Fîlma Heger tu ditirsî Serê Uwe boxe nava xwe dilê xwe û dibişire) Parka Azadî (Fîlma Hêza û Fîlma Anqa)
31’ê Gulanê Navenda Mihemed Şêxo (Semîner- Kurtefîlm- Fîlma Ji bo edaletê- kurtefîlm) Parka Azadî şahiya girtinê
