Ayşa Silêman/ Dêrik
Îro şêniyên bajarê Dêrikê bi dirûşmeya ‘Dem dema azadiya Rêber Apo ye’ meşeke girseyî li dar xistin û banaga azadiya fîzîkî ya Rêber Apo kirin.
Şêniyên bajarê Dêrikê bi dirûşmeya ‘Dem dema azadiya Rêber Apo ye’ meşek li dar xistin. Di meşê de şêniyên bajarê Dêrikê û endamên saziyên Rêveberiya Xweser amade bûn.
Meş bi siloganên ‘Bê serok jiyan nabe, Rêber Apo rûmeta jiyana me ye’ ji qada Azadî dest pê kir û li pêş Meclisa Malbatên Şehîdan veguherî mitîngê.
Di destpêkê de bi xuleyek bêdeng li ser giyanê şehîdan hat rawestandin, paşê li ser navê Partiya Yekîtiya Dempkrat PYD’ê Mûtî’i Omer axivî û wiha got: ” Gelê me yê ku ev 52 sal in li pey tevgera azadiyê û di hemû rojên teng de bedêlên giran dayîn, heya roja îro jî ev gel li ser soza xwe berdewame. Tevî ku ev 27 sal e tecrîd li ser Rêber Apo berdewame û hemû rengê şidetê li ser Rêber Apo pêk tên, lê wî karîbû bi fikir û ramanên xwe li hemberî vê sîstemê raweste. Di heman demê de banga ku Rêber Apo a Aştî û Civaka Demokratîk hemû planên dewletên ku dixwestin gelê kurd tune bikin, vala derxistin. Ji ber ku banga Rêber Apo ne ji îro dest pê kiriye, banga wî ji 1993’an ve dest pê kiriye lê dagirkeriya Tirk ev yek qebûl nedikir, lê piştî hemû cîhanê hêza gelê kurd dît, dewleta Tirk neçar bû ku ji bo vê gavekî ber bi paş ve bavêje. Her kesî navê terorê li PKK’ê dikir lê piştî banga Rêber Apo her kes dibêje Rêber Apo xwediyê pirojeya Netewa Demokratîk e. Dewletên navdewletî pêşwaziya panga Rêber Apo kirin ji ber ku bangewaziya Rêber Apo ya danîna çekê û fesxkirina partiya PKK’ê wek çareseriye ji bo hemû şerên ku diqewime, ji ber ku piradîgma me piradîgma Netewa demokratîk û biratiya gelan e.”
Meş bi silogana bê serok jiyan nabe û azadiya Rêber Apo azadiya me ye bidawî bû.
