Esma Mistefa/Qamişlo
Rêxistina Mafê Mirovan Efrîn-Sûriye bîlancoya binpêkirin û sûcên ku ji aliyê komên çete yên bi navê “Artêşa Neteweyî ya Sûriyeyê” ku ji hêla Tirkiyê ve tê piştgirîkirin, li herêma Efrîna dagirkirî di meha Nîsana 2025’an de hatine kirin; eşkere kir.
Tevî hilweşîna rejîma berê ya Sûriyeyê di 8’ê Kanûna Pêşîn a 2024’an de û serweeiya HTŞ’ê ku paşê veguherî Hikûmeta Demkî ya Sûriyeyê. Lê Hikûmeta Demkî ya Sûriyeyê binpêkirin û sûcên li dijî mirovan, dar û keviran li herêma Efrîn ji aliyê komên çekdar yên bi navê “Artêşa Neteweyî ya Sûriyê” ve berdewam dike, rûxmî ketina Hêzên Ewlekariya Giştî ji Efrînê re.
Encama binpêkirin û sûcan di meha Nîsana 2025’an de li herêma Efrîna dagirkirî wiha bû:
Revandin û girtin: 5 kes hatin revandin û girtin.
Kuştin: Dîtina termê kalmêrekî Efrînî li gundê Qitmê di rewşeke ne zelal de.
Lêdan, destdirêjî û îşkencekirin: 8 welatî, ku piraniya wan ciwan bûn, bi tewana dizî û talankirinê ji aliyê niştecihên bajêr ve rastî êrîşê hatin.
Qutkirina daran: Bi giştî 715 darên zeytûnê hatin birîn, 550 di dawiya sala 2024’an de û yê din jî di meha Nîsanê de hatin birîn. Ji bilî bi dehan hektar daristanên ku li bajarokên Qitmê û Hec Hesna li gundewarên Efrîn hatin birîn.
Avakirina Mizgeftan: Mizgeftek li gundewarên Efrînê hate avakirin.
Talankirin û dizî: Piştî ku niştecihan ji herêmê derketin, gelek derî û pencereyên malan hatin dizîn her wiha bi êvarê heywan û otomobîlan didizin.
