Ayşa Silêman/Dêrik
Li bajarê Dêrikê bi dirûşmeya” Azadiya Rêber Apo azadiya gelan e, Ji Rêber Apo azadî û ji pirsgirêka kurd re çareserî” meşeke girseyî ji hêla gel ve hat li darxistin.
Li bajarê Dêrikê bi dirûşmeya” Azadiya Rêber Apo azadiya gelan e, Ji Rêber Apo azadî û ji pirsgirêka kurd re çareserî” meşeke girseyî ji hêla gel ve hat li darxistin. Di meşê de hemû endamên saziyên Rêveberiya Xweser hazir bûn.
Di destpêka meşê de hemû hazir bi xuleyek bêdengî li ser giyanê şehîdan rawestiyan, paşê li ser navê Kongira Star Şadiya Yûsiv axivî û wiha got: “Bi navê hereketa jinê em xêrhatina hemû haziran dikin, ev meşa îro meşa
wefadarî û spasiyê ye ji bo Rêber Apo. Me berî demekî dît ku bûyereke dîrokî çêbû ku di hemû cîhanê de deng vede, nameya aşîtiyê a ku Rêberê mirovahiyê ji hemû cihanê re rêkirbû, nameyeke xwedî moral bû. Zêdeyî 25 sala ye ku em têkoşîn û berxwedaniyê dikin, bi hezaran me şehîd dan ji bo doza azadiyê. Lê piştî vê nameyê em ketin dîrokê de û em tucarî serî ji dijmin re natewînin û em ê hertim serbilind bin û têkoşîna xwe berdewam bikin heya ku Rêber Apo fîzîkî azad bibe.”
Di heman demê de li ser navê Partiya Yekîtiya Demokrat PYD’ê Ceger Efrîn axivî û wiha got” pêwîste hemû gel
dev ji îradeya û hêza xwe bernedin. Ji ber ku dijmin careke din dixwze kefan li ser gelê herêmê pêk bîne. Raste di mile siyasî de rûniştin çêdibin, lê divê gel dev ji moral û hêza xwe bernede heya ku Rêber Apo fîzîkî azad nebe. Ji ber ku azadiya Rêber Apo azadiya gelane . Pêwîste jin û ciwan bingeha xwe ya fikrî xurttir bikin û her û her moral bidin derdorê.”
Meş bi siloganên ‘Bê Serok jiyan nabe, azadî Rêber Apo azadiya gelan e’ bidawî bû.
