Ayşa Silêman/ Dêrik
Îro, Meclisa gel a bajarê Dêrikê di derbarê rewşa Elewiyên ku berê xwe dane herêma Bakur û Rojhilatê Sûriyê civînek li dar xist.
Meclisa gel a bajarê Dêrikê di derbarê rewşa Elewiyên ku berê xwe dane herêma Bakur û Rojhilatê Sûriyê civînek li navenda Çand û Hunerê ya Dicle a bajarê Dêrikê li dar xist.
Di destpêka civînê de hemû hazir bi xuleyek bêdengî li ser giyanê Şehîdan rawestiyan, paşê li ser navê
Rêveberiya Meclisa gel a Bajarê Dêrikê Ceger Efrîn li ser rewşa siyasî axivî û wiha got:” Di serî de em bi xêrhatina we dikin û em ê hertim di xizmeta we de bin. Di destpêkê de her kes dizane ku rewşa siyasî çawa derbas dibe û çiqas pirsgirêk derdikevin, ev alozî û pirsgirêk ji piştî peymana Sayks Bîko derketine heya roja îro dewam dikin. Dewletên hegemonîk da ku dest deynin ser welatê me berê xwe dan parçekirina civakî û derxistina nakokiyan di navbera pêkhateyan de. Di heman demê de ev 55 sal in ku rêjîma Baas dixwest di navbera pêkhateyan de nakokiyan derxe, raste ew malbatek elewî bûn lê sîstema wan ne li gorî gelê elewî bû û hertim qirkirin û pişaftina gelan pêk tanî. Lê piştî şoreşa Rojava gelên herêma Bakur û Rojhilatê Sûriyê bi saya fikir û ramanên Rêber Apo karîn xwe bi rêxistin bikin û sîstemekî ava bikin ku hemû netew cihê xwe têde bigrin. Raste Rêber Apo di zindanê de ye lê hûn jibîr nekirine, di nameya xwe de bang dikir ku gelên Elewî jî xwe birêxistin bikin û hêza xwe avabikin.”
Di berdewamiya civînê de Hevseroka Meclisa gel a bajarê Dêrikê Rojîn Çeto di derbarê rewşa rêxistinî de
axivî û wiha got:”Pêwîst e gelê Elewî jî xwe bi rêxistin bike û komînên xwe ava bike, da ku em jî bikaribin bi wan re bibin alîkar di milê pêkanîna pêdiviyên wan de. Di heman demê de divê di serî de jin bibe pêşeng û fikrê Netewa Demokratîk nas bike û pêk bîne. Di heman demê de divê gelê Elewî jî hêza xwe di nava QSD’ê de ava bike da ku bikaribe parastina xwe bike.”
Di dawiya civînê jî qomîteyê destûr da haziran ku pêşinyarên xwe bikin da ku rewşa Elewiyên ku berê xwe dayîn herêmê aram bibe.
