Lîloz Hisên/Qamişlo
Bi armanca bîranîna qirkirina ku li ser gelê Ermenî ji aliyê Tirkan ve hatibû kirin û di encamê de zêdeyî milyonek Ermenî hatbûn kuştin, Tevgera Ciwanên Ermenî yên Demokratîk çalakiyeke li Qamişlo li dar xist.
Tevgera Ciwanên Ermenî yên Demokratîk, bi armanca bîranîn şehîdên qirkirina gelê Ermenî, li pêşiya avahiya Netewên Yekbûyî ya bajarê Qamişlo çalakiyek li dar xistin.
Di çalakiyê de daxyanî ji hêla hevseroka Tevgera Ciwanên Ermen yên Demokratîk Losnak Kavoryan hate xwendin.
Di destpêka daxuyaniyê de wiha hate gotin: “Îro em li pêşiya avahiya Netewên Yekbûyî li bajarê Qamişlo disekinin weke neviyên kesên ku ji qirkirina komî ya Ermenî xelas bibûn, ji bo em bi dengekî bilind bang bikin ku em li virin û em ê bimînin. Berî 110 salan, dewleta Osmanî hewil da ku koka me ji holê rabike, nasnama me asîmîlasyon bike û gelê me qir bike lê ew têk çû.”
Di dawiya daxuyaniyê de hate tekez kirin li ser nûkirina sozê di riya berdewamiya berxwedanê û wiha hate gotin: “Em daxwaza edaletê dikin, erêkirina navdewletî bi qirkirina komî û muhasebekirina kesên ku rastiyê vedşêrin. Em weke Tevgera Ciwanên Ermenî yên Demokratîk ji mîraseya Osmanî re dewleta Tirk re dibêjin; projeyên we li hemberî îradeya me wê têk biçe.”
