Argêş Vîyan/ Qamişlo
Bi boneya 127’emîn ya Roja Rojnamegeriya Kurdî, YRA (Yekîtîya Ragihandina Azad) şahiya belavkirina xelatên kedê ya Şehîd Mazlum Bagok li Qamişlo li Navenda Çand û Hunerê ya Mihemed Şêxo lidarxistin.
Roja Rojnemegeriya Kurdî li bajarê Qamişlo bi tevlîbûna bi sedan rojnamevan û welatîyan li Navenda Mihemed Şêxo hat pîrozkirin. Deqeyek rêzgirtin hate rawestandin û gotinên rojnamevanên şehîd hatin xwendin. Her wiha sinevizyon li ser girîngiya roja Rojnamegerîya Kurdî hat temaşekirin.
Hevserokê YRA Dilyar Cizîrî li ser roja Rojnamegerîya Kurdî axivî û got “Bi boneya 127’emin roja Rojnamegerîya Kurdî hemû rojnamegerên şehîd pîroz dikin û ev roj mirateya wan e. Gelek hevalên li çeperên berxwedaniya de wan kêliyan dişopînin slav ji were şandin. Pêşxistina şoreşa Bakur û Rojhilatê Sûrîye saya keda wan hevalên berxwe didin yên rojnamevanên kurdin. Gelek sazî û dezgehên ragihandinê yên pêkhateyên din jî hatin avakirin. Ev jî yek ji encama têkoşîn û berxwedana endamên Ragihandina Azad e.”
Berdevka YRJ Arîn Siwêd li ser xebatên ragihandin û çapemeniya jin axivî û wiha got: “Ev roj rojekê pir girînge. Rojnamevanên jin têkoşîneke du milî dan meşandin. YRJ bû hêviya gelek jinên herêmê, weke jinên rojnamevan em ê bibin qêrînên hemû jinan.”
Helbestvan Ferhad Mêrdê helbestên xwe pêşkêşî guhdarvanan kir.
Berpirsê Ragihandina Rêveberiya Xweser Ciwan Mele Ibrahîm axivî û roja rojnamegeriya Kurdî li hemû kedkar û xebatkarên Ragihandina Azad pîroz kir û rola ragihandina Kurdî ya giring ani li ser ziman.
Navê Rojnamevanên ku li Bendava Tişrînê roja destpêkê heya roja dawiyê şopandin spasiya wan hat kirin û ew hatin pîrozkirin.
Ji ber ku kiryar û komkujiyên Berava Sûriyê şopandin Elyom û Ronahî Tv hatin pirozkirin
Piştî belavkirina spasnameyan Koma Serdem ya stranan derket li ser dikê û mêvanan govend gerandin
Piştî bidawîkirina stranan jî, ji aliyê malbata Şehîd Mazlum Bagok saziyên ragihandinê yên ku hêjayi xelatên Kedê hatibûn dîtîn hatin xelatkirin. Piştî belavkirina xelatan şahî bidawî bû.
Hêjayî bibîrxistinê ye ku navê Ajansa Nûçeyan ya Hawar ji ber ku gelek endamên wê kêlîyên berxwedaniyê şopandin û tevlî karwanên nemiran bibûn weke ajansa şehîdan hat ragihandin
Sazîyên hêjayî spasname hatin dîtin wiha bûn:
Navenda Ragihandina YPJ’ê
Rojava Tv
Rojnameya Ronahî
Elyom tv
Nefel Prodiksiyon
North Press
Ronahî Tv
Ajansa Nûçeyên Hawar (ANHA)
Xelatên Kedê yên Şehîd Mazlum Bagok yên ku hêjayî xelata hatin ditin:
Jin Tv
Navenda Ragihandina QSD
Rojnamevanê Sûrî Ramî Ebdirehman
Ajansa Nûçeyên Firat (ANF)
