Ayşa Silêman/Dêrik
Îro li bajarê Dêrikê bi dirûşmeya ‘Ji bo azadiyê dema pêşengtiyê’ şevbuhêrkek li dar xistin.
Li bajarê Dêrikê jinên ciwan bi dirûşmeya ‘Ji bo azadiyê dema pêşengtiyê’ şevbuhêrkek li parka Arîn Mîrkan li dar xistin. Di şevbuhêrkê de hemû endamên saziyên Rêveberiya Xweser û Kongra star hazir bûn.
Di destpêka şevbuhêrikê de hemû hazir bi xuleyek bêdeng li ser giyanê şehîdan rawestiyan, paşê bi xêrhatina hemû haziran hat kirin û diyar kirin ku sekna me ye îro hemû bi keda fikir û ramanên Rêber Apo ye.
Di heman demê de dayîka Reşîd, Xedîce û dayîka Riyad bi deng û awazên xwe hin lorandinên Efrînî û Cizîrî ji haziran re pêşkêş kirin.
Di berdewamiya şevbuhêrikê de dayîkan xwarinên filiklorî yên çanda xwe ji mêvanan re hazir kiribûn û hemû hatin vexwendin ku xwarinên wan bixwin.
Di dawiyê de jî stanên kevneşopî hatin guhdar kirin, her wiha hemû haziran dîlan gerandin û bi coş şevbuhêrik bidawî kirin.
