Lîloz Hisên/Qamişlo
Bi dirûşmeya “Hunera azad bi deng û rengê jinê ye” 10’emîn Festîvala Wêje û Hunera Jinê, di roja xwe ya duyemîn de berdewam dike.
10’emîn Festîvala Wêje û Hunera Jinê bi dirûşmeya “Hunera azad bi deng û rengê jinê ye” ji aliyê Desteya Çand û Huner a Kantona Cizîrê ve hate li dar xistin, di festîvalê de çalakvan, nivîskar, helbestvan, rewşenbîr, wênesaz, û hunermedên jin amadebûn.
Çalakiyên festîvalê yên roja duyemîn bi gotina Kongra Star ji hêla Ibtîsam Hisên destpê kirin.
Ibtîsam Hisên di serî de bi xêr hatina
hemû mêvanan kir û festêvala 10’emîn a Wêje û Hunera Jin li hemû beşdaran pîroz kir û wiha got: “Em 20’emîn salvegera KJK Komeleya Jinên Kurdistanê li rêber Apo, malbatên şehîdan û jinên têkoşêr ku ji bo bidestxitina azadiya xwe û avakirina civakek demokrat; pîroz dikin. Rêber Apo bi feslefeya Jin,Jiyan,Azadî riya azadiyê û berxwedana jin û bidesxistina mafê wê ronî kir.”
Ibtîsam Hisên wiha gotinên xwe qedand: “Jinên kurd îro bûne pêşeng, îlhama hemû jinên cîhanê, nûnerên rastiyê û zihniyeta azad. Jinan destkeftiyên gihranbuha di şoreşa Rojava de bidestxistin di riya sîstema hevserokatiyê de, jinê êdî di hemû aliyên civakê û qadên jiyanê xwedî rol û misyone. Divê jin bi hemû pêkhate û netewan yekîtiya xwe ava bikin, ku karibin ronesansa xwe ji nû ve vejîn bikin û civakek azad û demokrat ava bikin bi fesefeya Jin, Jiyan, Azadî ku azadiya hemû jinan tê de misoger bikin.
Piştî bidawîbûna gotinan beşa hunerî destpê kir.
Hunermend û helbestvanên ku tevlî roja duyemîn bûn wiha ne:
Stran (Sûmeya Mihemed)
Helbest bi zimanê erebî (Meryem Temir)
Govenda kurdî (Koma Şehîd Ezda Êzdîxan)
Stran Koma (Yasna)
Filmek bi nave (Xewa Mirinê)
