Esme Mistefa/Qamişlo
10’emîn Festîvala Wêje û Hunera Jinê ji aliyê Desteya Çand û Huner a Kantona Cizîrê bi dirûşmeya “Hunera azad bi deng û rengê jinê ye” li Parka Azadî a bajarê Qamişlo bi rengê jinên bedew roja yekemîn dest pê kir.
Festîvala Wêje û Hunera Jinê ku neh salin li pey hev ji aliyê jinên Rojavayê Kurdistanê ve bê navber bi rengê hemû pêkhateyên jin tê lidarxistin. Îsal jî sala xwe ya dehan di 17’ê Nîsanê de li Parka Azadî a Bajarê Qamişloyê ku wê 3 rojan berdewam bike, lidarxistin. Ev festîval bi tayebt ji bo derxistina hunera jinê û berhemên ku bi xwe diafrînin û çêdikin, tê amedekirin. Bi sedan jin berhemên filklorî û hwd ku bi destê xwe amededikin , pêşkêş dikin.
10’emîn Festîvala Wêje û Hunera Jinê di bin dirûşmeya “Hunera azad bi deng û rengê jinê ye” ji laiyê Desteya Çand û Huner a Kantona Cizîrê ve hate orgenîzekirin. Di festîvalê de bi hezaran ji Çalakvan, hezkiriyên hunerê, nivîskar, rewşenbîr, wênesaz, hunermed û beşdarvan amedebûn.
Beriya ku dest bi bernameya festîvalê bibe deqeyek rêzgirtin ji bo bîranîna Şehîdan hate rawestandin û piştire dest bi bernameyê bû. Axaftina destpêkê li ser navê Rêveberiya Xweser a Bakur û Rojhilatê Sûriyê ji aliyê Sîham Qeryo ve hate kirin.
Sîham bal kişand ser girîngiya piştgriya
jinên afirîner û peydakirina cihên ku dihêle ew berehem û armancên xwe pêk bîne her wiha tekez kir ku jinê rola herî serke di parastina çanda xwe de kir, û destnîşan kir ku “huner û wêje du rêbazên bingehîn in ji bo gihandina dengê jinan ji cîhanê re”.
Her wiha ji aliyê komîteya amedekar ve Hevseroka Desteya Çand û Huner a Kantona Cizîrê Firyel Colî ve hate kirin.
Piştre koma stranan a Stêra Zêrîn hat pêşkêşkirin, û helbestek bi zimanê Kurdî ji aliyê Êver Yaldistan ve hate xwendin, her wiha komek guvendê a bi navê Enûş Ebîdiyan a Ermenî, û sinevizyonek ku jinên cîhanê nameyên xwe ji bo Festîvalê rêkiribûn hate pêşkêşkirin.
