Ayşa Silêman/ Dêrik
Îro Yekîtiya Nivîskarên Kurd li Sûriyê YNKS’ê- Dêrik û YRHC’ê- Dêrik komxebateke hevbeş bi serenavê Çareseriyên Misoger di pêkanîna aramiya welat de li bajarê Dêrikê li darxist.
Yekîtiya Nivîskarên Kurd li Sûriyê YNKS’ê-Dêrik û YRHC’ê- Dêrik komxebateke hevbeş bi serenavê Çareseriyên Misoger di pêkanîna aramiya welat de li bajarê Dêrikê li parka Vejîn li darxistin. Di komxebatê de hemû endamên partiyan hazir bûn.
Di destpêkê de hemû beşdarên hazir xuleyek bêdeng li ser giyanê şehîdan rawestiyan. Paşê naveroka komxebatê ji hêla Melevan Resûl ve ji bo beşdaran hat şîrovekirin.
Di berdewamiya komxebatê de her çend kes bûn girûpek û pêşinyarên xwe li ser sê xalên bingehîn yên komxebatê nivîsandin. Û paşê nêrîn û pêşinyarên xwe ji haziran re xwendin.
Xalên komxebatê wiha bûn;
-Bingehên hevbeş ên pêkhateyên herêma Bakur û Rojhilatî Sûriyê.
-Berpirsiyariya nivîskar, rewşenbîr û çalakvanên komelgeyên sivîl di pêkanîna daxwazên pêkhateyan di warê;konevanî, çandî û ronakbîriyê de û beşên din.
