Hemza Sêvo/ Qamişlo
Bi boneya rojbûna Rêberê Gelê Kurd Abdullah Ocalan Fakulteya Zanistên Xwezayî û Teknolojî ya Zanîngeha Rojava li navenda fakulteyê bi beşdariya mamoste û xwendekaran şahiyek li dar xist.
4’ê Nîsanê roja vejîna azadî û berxwedaniya li dijî hemû cureyên desthilatdariyê ye ku tê de Rêberê Gelê Kurd Abdullah Ocalan ji dayik bûye. Di vê derbarê de şahî bi beşdarbûna xwendekar, mamoste û hemû karmendên fakulteyê hat lidarxistin.
Berî ku şahî dest pê bike hemû kesên amade tevlî xuleyeke rêzgirtinê ji bo giyanê şehîdan bûn. Herwiha xwendekarê Beşa Fîzîkî Raûl Hisên wiha got: “Silav û pîrozbahiyên germ ji vir heya axa Îmralî. Em rojbûna rêberê
mirovahiyê di şexê wî de pîroz dikin, li Gerîlayên Azadiyê, şoreşgeran, malbatên şehîdan û tevahiya gelê kurd pîroz dikin. Bi saya fikrê wî em îro li vir li ber xwe didin û bi zimanê xwe dixwînin. Rêber Apo li nav çar dîwarên zindanê de li ber xwe dide û ji wê zindanê karîbû fikrê xwe li tevahiya cîhanê belav bike. Em hêvî dikin ku di demek nêz de rêberê xwe azad bibînin.”
Piştre Raûl Hisên kêk qet kir û şêraniya pîrozbahiyê li hemû kesên amade gerand. Paşê stranên şoreşgerî pêketin, pê re jî xwendekar û mamosteyan dîlan girtin, herwiha şahî bi siloganên ji bo Rêber Apo bi dawî bû.
Hêjayî bibîrxistinê ye ku pêwîst bû ev şahî di heftiya derbasbûyî de bê lidarxistin, lê dema wê ji ber rewşa mirina mamoseteyê wê fakulteyê Mihemed Cumaa, hat taloqkirin.
