Dilovan Kêfo/Amûdê
Şîniyên bajarê Amûdê bi merasîmeke girseyî şervanê hêza Komandosê Cano Amûdê oxirkirin û soza serxistina doza şehîdan dûbare kirin.
Bi sedan şêniyên bajarê Amûdê cenazeyê şervana Komandos`ê Cano Amûdê li Goristana Şehîd Ismaîl Hogir a li Amûdê oxirkirin
Merasîn bi deqeyek rêzgirtin li ser giyanê şehîdan hat destpêkirin. Piştre li ser navê Meclisa Malbatên Şehîdan Mihemed El-Ehmed sersaxî ji malbata şehîd re xwest û wiha got: “Ji vir, ji vî cihê pîroz em bejna xwe li ber hemû şehîdan ditewînin. Îro şehîdê leheng Cano jî tevlî wan bû. Em ji malbata wî re dibêjin, serê we sax be. Me ji cîhanê re îsbat kir ku em tu carî tune nabin, wê bi hezaran Cano werin dinyayê, ew ti carî namere. Bi hezaran şehîdan ji bo doza azadiyê xwe feda kirin. Em jî soza şopandina rêya wan û parastina doza azadiyê li ser şopa fikra Rêber Apo didin. Şehîd riya me ronî dikin, şehîd tû carî namir in û di dilê me de hertim wê sax bin.”
Piştre girsya gel cenazê şehî girtin ser milan û bi tilîliyên dayikan û siloganên “Şehîd Namirin” ew spartin axê.
