Stêrk Mihemed/Qamişlo
Berxwedaniya bendava Tişrînê 3 mehên xwe temam kir. Berxwedêrên ku hemû cejn û boneyên xwe li ser bendavê derbas kirine, tekez dikin ku têkoşînê ji dijmin re nîşan dan.
Li hemberî êrişên dewleta Tirk a dagirker û çeteyên wê ku ji 8`ê Çileya 2024`an ve li ser Bendava Tişrînê û pira Qereqozaqê didomin, gelê Bakûr û Rojhilatê Sûriyê ji 8`ê çileyê 2025`an li ser Bendavê berxwedaniyê dikin. Berxwedanî li hember sermaya zivistanê û êrişên dagirkeran, 3 meh li pey xwe hiştin.
Di 92 rojên çalakiyên sivîlan de, ji hemû pêkhateyên herêmê, Kurd, Ereb, Suryan, Ermen û Asurî herwiha Jin, ciwan, kal, pîr û bi sedan ji kesên ku nîşaneya têkoşînê dan, li berxwedaniyê dikin. Kerwanên gel ji Qamişlo, Hesekê, Reqa, Tebqa, Kobenê, Dêrizor û di heman demê de koçberên Efrînê tevlî berxwedaniya li Bendava Tişrînê dibûn.
Ji destpêka çalakiyê heya roja îro, êrişên dewlata Tirk û çeteyên wê ranewestiye. Di encama êrişên hewayî yên balafirên dewlata Tirk a dagirker de 25 welatiyan û dinava wan de Rojnemevan, Siyasetmedar, rêveber û şanûger, şehîd bûn û 250 welatî jî birîndar bûn
Tevî hemû êriş, xerabî, zirarên madî û qirkirinê tu carî gel û leşker ranewestîn û her roj di nava berxwedanî û têkoşînê de bûn, her roj dîlana serkrftinê li ser bendavê digirtin. Bendava Tişrînê bû cihê şehîdan û berxwedaniyê, berxwedaniya ku li bemdavê tê kirin berxwedaniyek dîrokî ye û gelê kurd hêza xwe ji hemû cîhanê re isbat kir.
