Lîloz Hisên/Qamişlo
Bi boneya 4’Nîsanê Rojbûna Réber Apo û bi drûşmeya “Azadiya Fîzkî A Rêber Apo Misogeriya Azadiya Gelan e”, li parka Azadî bi boneya rûjbûna Rêber Abdullah Ocalan şahiyeke hate li dar xistina bajarê Qamişlo şahiyek biheybet hat lidarxistin.
Bi sedan ji şêniyên bajarê Qamişlo berê xwe dan qada şahiyê, da ku vê rojê pîroz bikin, şahî bi deqeyeke rêzgirtin ji bo giyanê şehîdan destpê kir.
Piştre bi navê Kongra Star Rîhan Loqo axivî, di destpêkê de rojbûna Rêber Abdullah Ocalan li hemû gelan pîroz kir.
Rîhan Loqo wiha dest bi axavtina xwe kir: “Ev rojeke bi wate ye, ji bo gelên ku têkoşîna azadiyê dikin. Hêzên hegemonîk ji bo nasname, îrade û hebûna gelê kurd tune bikin Rêber Apo dîl girtin. Ev 26 salin Rêber Abdullah Ocalan di nava tecrîdeke giran de ye, bi armanca gel û Rêbertî ji hev qut bikin. Lê her ku êrişê û tecrîd pêk dianîn asta têkoşînê bilindtir dibû jin, ciwan û gel çalakî û xwepêşandan li dar dixistin, herwiha asta felsefeya Jin, Jiyan, Azadî belav dibû.
Di dawê de Rîhan Loqo destnîşan kir ku têkoşîn û berxwedana gel biserket û wiha anî ziman: “Banga dîrokî ya Rêber Apo bi pêşengiya jinan wê derbasî qonaxeke nû bibe, ev bang wê riya me ber bi azadî, demokrasî û lihevkirinê bide meşandin. Gerek bi tevahî hêza xwe em xwedî li vê bangê derbikevin. Projeya ku îro li herêma Bakur û Rojhilatê Sûriyê hatiye meşandin ji bo gelê herêmê û mozayîka wê bû riya bi hev re jiyankirina bi rûmet.”
Piştî bidawîbûna axaftinan beşa hunerî dest pê kir.
Di şahiyê de Koma Botan, Lawîn Sayîd Yûsif, koma şehîd Welat, Bêrîvan û Mihemed Kakilo tevlî şahiyê bûn.
