Dîlan Mulhim/Qamişlo
Bi pêşengtiya Kongra Star û Jinên Ciwan li hola Melekiyê ya bajarê Qamişlo civînek di derbarê 4’ê Nîsanê roja Rojbûna Rêber Apo hate lidarxistin.
Îro Kongra Star û Jinên Ciwan bi boneya Roja Rojbûna Rêber Apo civînek li hola Melekiyê ya bajarê Qamişlo li dar xist. Di civînê de sazî, meclis, tevger û rêxistinên jin û civaka sivîl, herwiha Rêveberiya Xweser beşdar bûn. Beriya ku civîn dest pê bike deqeyeke rêzgirtin li ser giyanê şehîdan hate rawestandin.
Di civînê de roja Rojbûna Rêber Apo hate pîrozkirin û li ser berxwedana Rêber Apo ya dîrokî nîqaş hate kirin. Di heman demê de di civînê de li ser komkujiyên ku îro li berava Sûriyê li ser elewiyan pêk tên hate rawestandin.
Herwiha hate diyarkirin ku di her serdemeke civaka mirovahiyê de pêşengên sedsalan derketine, pêşengê vê sedsalê jî Rêber Apo ye. Rastiya Rêber Apo ji bo gelê kurd jî mîladeke nû ku mîlada azadiyê, mizgîniya xwedîderketina li maf û hebûnê bû. Rêber Apo ji gelê kurd re got; Gelê kurd ne miletekî ji rêz ye, lê gelê kurd xwedî dîrokekî herî bi berxwedanî, bedelên giran û sedsala hisreta azadiyê ye.
Derketina Rêber Apo ne tenê ji bo tevgerekê yan jî serdemekê bû, lê ji bo tevahî gelê Rojhilata Navîn bû. Sekna birûmet a azadiyê di şexê Rêber Apo de ji sedsala 21’emîn wekî manîfisto hatiye nivîsandin. Îro rojbûna Rêber Apo li herderê cîhanê ji aliyê hemû pêkhateyan ve tê pîrozkirin. Li tevahiya cîhanê şoreşa xwe li dar xistiye. Her kesê ku dixwaze bi aştî û aramî jiyan bike roja rojbûna Rêber Apo, weke roja rojbûna xwe dibînin û pîroz dike.
