Esma Mistefa/Qamişlo
Îro li goristana Şehêdan a Delîl Saroxan a bajarê Qamişlo şehîd Amed û Dara bi merasîkeke bi heybet ji aliyê bi sedan ji gel ve hatin oxirkirin.
Li bajarê Qamişlo her du şehîdên ku li eniya berxwednê Mihemed Mistefa bi nasnav (Amed) ku li bendava Tişrînê hatibû şehîdxistin û Îbrahîm Mihemed Îbrahîm bi nasnav (Dara) ku li Dêr Hafrê şehêd bibû, ji aliyê Maclîsa Malbatên Şehîdan û bi sedan gelê Qamişlo û Efrînê li goristana Şehîdan a Delîl Saroxan hatin oxirkirin.
Merasîm bi deqeyek rêzgirtin li ser giyanên şehîdan hate destpêkirin. Her wiha ji aliyê hêzên Oparasyonê ve tûrana leşkerî hate pêşkêşkirin û dest bi axaftinan bû. Li ser navê Maclsa Malbatên Şehîdan Fatmê Casêm, li ser navê hêzên leşkerî Mecêd Qamoşlo, bi navê Hêzên Oparasyonê Bihar, bi navê meclîsa Îslama Demokratîk Casêm El Salêh axaftin hatin kirin.
Ji aliyê yek ji endamên Hêzên Oparasyonê Bihar ev yek hate gotin: “Tevahî bilanên dagirkeriya Tirkiyê yên li ser xaka Bakur û Rojhilatê Sûriyê vala hatin derxistin. Ev yek bi berxwedaniya hêzên leşkerî û îradeya gel hate têkbirin. Erdoxan niha rojên xwe yên dawiyê jiyan dike. Bila tu carî bi hêvî nebin ku ger hevalên weke Amed û Îbrahîman şehîd ketin wê têkoşîn û berxwedaniya me were rawestandin. Emê di oxira parastina şoreş û hêmên şehîdan cane xwe feda bikin. Em careke din soza tolhildanê nû dikin û sersaxiyê ji her du malbatên şehîdan re dixwazin.”
Di dawiyê de wesîqeya her du şehîdan hate xwendin û radestê malbatên wan bû. Hêjayî gotinê ye ku cenazeya şehîd Îbrahîm (Dara) derbasî Tirbespiyê bû û wê li wir bê sipartin.
Her wiha her du biryayên şehîd Amed û Îbrahîm axivîn û birayê şehîd Amed yê bi navê Dilovan soza tevlîbûn û şopandina riya şehîd Amed da.
