Navenda Nûçeyan
Bi boneya damezirandina Radyo Rojava ya yekem piştî şoreşa 19’ê Tîrmehê hatibû damezirandin. Bernameya weşanê ya Radyo Rojava hemû pêkhateyên herêmê hembêz dike. Radyo Rojava bi weşanên xwe û endamên xwe yê kedkar bû dengê rastiyê li Bakur û Rojhilatê Sûriyê.
Derbarê damezirandina dezgeha ragihandinê ya binavê Radyo Rojava ya 12’emîn de, peyamekê pîrozbahiyê hat weşandin. Peyama pirozbahiyê wiha bû:
“Îro, 1’ê Nîsanê, salvegera 12’an a damezrandina Radyoya Rojava ye, ku weşana wê di 1ê nîsana 2013an de ji Çiyayê Qereçoxê li bajarê Dêrikê dest pê kir, da bibe dengê şervanên Yekîneyên Parastina Gel û Yekîneyên Parastina Jin û dengê hemû pêkhateyên gelê me li Bakur û Rojhilata Sûriyê Radyoya Rojava, ku yek ji berhemên şoreşa 19ê Tîrmehê ye, bi kêmtirîn derfet hate avakirin da geşedan û pekrewaniya hêzên me yên leşkerî û ewlekariyê bişopîne û wan dastanên qehremanane yên ku li dijî rêxistinan têrorîstên herî xirab nîşan dan, belge bike û bi raya giştî û gelê herêmê re ragihîne. Radyoya Rojava di çarçoveya ragihandina azad de dest pê kir û di vê rêzê de ma – rêya şehîdên rastiyê û çepemeniya azad û wisa pêş ket. Di destpêkê de em bi rêz û hurmet hemû pêşengên ragihandina azad, û ji wan avakerên Radyo Şehîdên heqîqetê Rêwan – Şîlan – Haqî, ku di 25ê Nîsana 2017an de di êrîşeke dagirkeriya Tirk a li ser Çiyayê Qereçoxê de şehîd bûn bibîr tînin Her weha rêhevalên me yên şehîd Egîd Roj, Nazim Daştan, Cîhan Bîlgîn ku jiyana xwe feda kirin da ku berxwedana Bendava Tişrînê ragihînin bi minetdarî bibîr tînin û soza xwe ji wan re nû dikin. Tevî hemî êrîşên ku li ser çepemeniya azad ji aliyê dagirkeriya Tirk û hêzên dagirker ve pêk tên, Me karîbû heya asteke mezin xebatên xwe berdewam û berfireh bikin û em bi îsrar bûn ku bibin dengê gelê xwe û şervanên xwe û heya neha bi bernameyên xwe yên çandî, wêjeyî, siyasî, Ziman, jin, civak, ciwan, şervan û tevahî bernameyan، nasname û çanda gelan ku li heremê jiyan dikin biparêzin û bidin weşanê. Di dawiyê de em soza xwe dubare dikin ku xebatên xwe berfireh bikin û di xeta çepemeniya azad de bibin dengê gelê xwe û şervanên xwe, wê dengê Rojava her bimîne dengê we Radyo Rojava.”
