Hêvî Keleş/ Qamişlo
Partiya Yekîtiya Suryanî li bajarê Qamişloyê Cejna Ekîto ku dikeve 1’ê Nîsanê ragihand. Her wiha ji aliyê Rêveberiya Xweser a herêmê ve bi daxuyaniyekê cejna Ekîto hate pîrozkirin.
Partiya Yekîtiya Suryanî li pêş Çerxerêya Sêfo ya Şehîdan a li kolana Quwetlî ya bajarê Qamişloyê bernameya Cejna Ekîto ku dikeve 1’ê Nîsanê ragihand. Di daxuyaniyê de bi dehan ji gelê Suryan, Rêveberiya Xweser a kantona Qamişlo beşdar bûn. Her wiha bi boneya Cejna Ekîto Rêvebriya Xweser a Kantona Qamişlo bi daxuyaniyekê pîroz kir û bang li tevahî pêkhateyan hate kirin ku bi hev re ev cejin bê pîroz kirin. Daxuyanî bi sê zimanên Kurdî, Erebî û Suryanî hate xwendin.
Naveroka daxuyaniyê wihabû.
Daxuyanî wiha hate destpêkirin: “Bi navê Rêvebiriya Xweser li Kantona Cizîrê, bi boneya sersala Asûrî, babilî û Akîto 6775, em germtirîn pîrozbahiyên xwe pêşkêşî gelê xwe yê siryanî, Asûri û hemû gelên herêmê dikin, ev bûyer kurahiya şaristaniya me nîşan dide û nirxên nûbûn û vejînê vedihewîne, ev derfeteke ji bo xurtkirina biratiya di navbera pêkateyên civaka me de û xurtkirina jiyana hevbeş li herêmên Bakur û Rojhilatê Sûriyê.”
Di berdewamiya daxuyaniyê de ev hate gotin: “Em li hêviya spandina wê li seranserî Sûriyê ne, nemaze biştî rûxandina rêjîma berê ku dijmintiya hemû çand û cejnên dîrokî yên pêkateyên Sûriyê dikir. Em weke rêvebiriya Xweser pabendbûna xwe bi parastina cihêrengiya neteweyî û olî li herêma xwe tekez dikin û em ji bo piştevaniya pêrozbahiyên mîrasê yên ku nasnameya me ya dewlemend ya dîrokê nîşan didin kar dikin, ji bo vejîna mîrateya mîratî em bang li hemů pêkhateyên herêmê li Bakur û Rojhilatê Sûriyê dikin ku mil bi mil bi boneya cejna Ekîto sersala Asûr – babil beşdar bibin.”
Di dawiyê de ban li hemû pêkhateyan hate kirin û wiha hate gotin: “Em bang li her kesî dikin ku di 1,ê Nisana 2025’an de beşdarî van pîrozbahiyên ku nasnameya me ya resen û rihê biratiyê di navbera pêkateyên civaka me de vedibêjin bibin. Sala nû li gelê me yê Suryanî, Asûrî û li hemû gelên herêmê pîroz be, bi hêviya ku ev sal bibe sala Aştî, aramî û bextewariyê jibo hemû gelên herêmê.”
