Argêş Viyan/Kobanê
Newroza bi dirûşmeya “Azadiya Fizikî ya Rêber Apo Misogeriya Civaka Demokratîk e” li aliyê şeniyên Kobanê li girê Miştenur bi girseyi hat pîrozkirin.
Demijmêr 10:00 da şêniyên Kobanê bi cilên xwe yên gelerî tevlî pirozbahiya Newrozê ya bi dirûşmeya ” Azadiya Fizikî ya Rêber Apo Misogeriya Civaka Demokratîk e” bûn. 7 heya 70’ê salî bi coşekê Newroza 2025’an pêşwazî kirin. Alên QSD, YPJ, PKK, Rêveberiya Xweser wenêyên Rêberê gelan Rêber Abdullah Ocalan ve qada Newrozê hatibû xemilandin. Bajar û navçeyên derdorê Kobanê jî bi girseyî tevlî pirozbahiyê bûn. Pîrozbahî 1 dk rêzgirtinê destpêkir û dayikên şehîdên bajarê Kobanê ve, agirê newrozê hat pêxistin. Peyamên Rêber Abdullah Ocalan ya ji bona şehîdên newrozê û têkoşînê hat guhdarkirin.
Di qadê dirûşmeyên “Bijî Newroz, Bê Serok Jiyan Nabe, Bijî Serok Apo û Berxwedan Jiyane ” hatin qêrandin. Gelek zarok bi cilên gelerî rengek cuda dabûn qada pîrozbahiyê. Gelek hûnermend û kesayetên navdar tevlî pirozbahiya bajarê Arîn Mîrkanan bûn.
“Em ê Newroza 2025’an bi azadiya fizîkî ya Rêber Apo mîsoger bikin”
Axaftina destpêkê li ser navê Rêveberiya Xweser , Cigira Rêveberiya Xweser ya Kantona Firatê Mizgîn Xelîl axîvî û wiha got: “Em newroza 2025’an bi coşekê mezin pêşwazî dikin. Ev newroze hemû aliyan de, rojekê gîring û watedar e. Ji ber ku hem berxwedanî û hem jî serkeftinên bêhempa tên jiyan kirin. Rêber Abdullah Ocalan ev newroz kir, newroza aşitî û azadi yê. Kawayê hemdem Mazlum Doganan heya Bendava Tişrînê em şehîdên berwedaniyê hemûya bibîrtînin û newroza malbatên wan yê heja pîroz dikin. Barê me berê girantir bûye, em bi saya têkoşîna ve hene û em ê bi têkoşîna wan serbikevin. Dîsa em newroza avakarê azadiyê Rêber Apo pîroz dikin û silavên xwe yên germ jê re dişînin.”
Piştra Hevserokê Rêveberiya Xweser yê Kantona Firatê Ferhan Hec Îsa bi zimanê Erebî axîvî û balkişand li ser giringîya yekêtiya gelê herêmê û cejna newrozê hemû şeniyên qadê pîroz kir.
Di pirozbahiyê de Hevserokê Reveberiya Xweser yê Bakur û Rojhilatê Sûriyê Hesen Koçer jî axivî û wiha dest bi axaftina xwe kir: “Em cejna newrozê piroz dikin û silavên xwe Rêber Apo re û hemû malbatên şehîdan re dişînin. Em bi saya wan niha wê qadê de, govenda azadiyê digirin. Ev şoreşe şoreşa şehîdan e, divê bê parastin. Bi hemû pêkhateyên Sûriyê bi hevra avakirin û agirê şoreşê pêxistin, agirê şoreşê û agirê Newrozê em ê bikin yek. Em deyndarê wî gelê ne û pêwîste em deynê xwe bidin. Em dîsa li ser navê Rêveberiya Xweser bejna xwe li ber şehîdan ditewînim û Newroza Rêber Apo pîroz dikim.”
Axaftina dawiyê li ser navê Kongra Star Macîde Hesûn hat kirin û bal li ser pêşketinên Bakur û Rojhilatê Sûriyê hat kişandin. Piştî axaftinan komên hûnerî û stranbêjin navdar rojekê coş şêniyan dan jiyankirin.
Hûnermend û Komên ku tevlî newroza Kobanê bibûn:
Hûnermend:Sûmeyye Mihemmed
Endama Hîlala Zerîn ya Kobanê: Koma Şehîd Leyla
Hunermend: Hûsên Xanê
Navenda Çand û Hûnera Baqî Xido: Koma Şehîd Yekta ya Şano
Hûnermend: Daniş Botan
Koma govendê Navenda Çanda Baqî Xido:Koma Zîlan
Navenda Hîlala Zêrîn: Hûnermend Şêrîn
Hûnermenda Ereb ya Idlîbî:Qemer Ehmed
Pîrozbahiya Newrozê bi gerandina dîlanan û tililîyan bi dawî bû
