Ayşa Silêman/ Dêrik
Îro Şaredariya bajarê Dêrikê di bin dirûşmeya ‘Baqijiya bajarê me ji paqijiya mala me ye’ dest bi pêngava paqijkirina bajarê Dêrikê kir. Xwendekar, mamoste û endamên saziyên Rêveberiya Xweser jî tevlî pêngavê bûn.
Şaredariya bajarê Dêrikê di bin dirûşmeya ‘Baqijiya bajarê me ji paqijiya mala me ye’ dest bi hemleya paqijkirina bajarê Dêrikê kir. Hemû saziyên Rêveberiya Xweser, endamên şaredariyê û xwendekar û mamosteyên dibistana Şehîd Cebar Tey û Ibrahîm Mesûd tevlî vê pêngavê bûn.
Pêngav ji pêşiya keracê dest pê kir, taxan paşê çem hatin paqijkirin. Ev pêngav li ser qonaxan dewam dike, di her qonaxekê de wê hin dibistan tevlî bibin. Armanca şaredariyê ji vê hemleyê hişyarkirina gel li ser paqijiya bajar û parastina tendirustiya welatiyan e.
