Dîlan Mulhim\Qamişlo
Ofîsa Ragihandina Hevya Sor a Kurd Sûzan Eko diyar kir piştî ku bûyerên li berava Sûriyê çêbûn, insiyatîfa gel ji bo gelên berava Sûriyê dest bi kampaniyeke alîkariyên mirovî kir. Heyva Sor a Kurd jî cihê xwe di vê kampaniyê de girt û karwanê alîkariyê ji bo beravê Sûriyê hatin şandin.
Gelê Bakur û Rojhilatê Sûriyê ji bo gelên berava Sûriyê dest bi kampaniyeke alîkariyên mirovî kir, herwiha Heyva Sor a Kurd cihê xwe di nava vê kampaniyê de girt û aîkariyên mirovî ji bo gelê elewî rêkirin.
Derbarê kampaniya alîkariya ku ji bo Berava Sûriyê hatine şandin, Ofîsa Ragihandina Hevya Sor a Kurd Sûzan Eko ji Rojnameya me re axivî.
Alîkaryên Mirovî ên ku ji bo beravên Sûriyê hatin rêkirin
Sûzan Eko anî ziman ku piştî bûyerên li berava Sûriyê çêbûn, instatîfa gel ji bo gêlên berava Sûriyê dest bi
kampaniyeke alîkariyan kir û wiha got: “Weke tê zanîn Heyva Sor a kurd jî cihê xwe di nava insiyatîfê de girt û tevlî vê kampaniyayê bû. Ev kanpaniya deh rojin ku li ser kar dikin û herî zêde me alîkariyên pakêtin xwarinê ji bo gelê berava Sûriyê amedekirin û rêkirin. Nêzî 20 kamyon alîkariyê bi rê ketin. Me karwanekî alîkariyan ji 10 hezar pakêtên xwarinê pêk dihatin rêkirin. Karwanê ku hat birêkirin ji 10 hezar paketên xwarin û ard pêk dihatin.”
Ofîsa Ragihandina Heyva Sor a Kurd Sûzan Eko axafitina xwe wiha bi dawî kir: ” Zehmetiyên ku me kişandin ew jî amedekariyên selikan bû, ji ber dema me ne zêde bû, di demeke herî kêm de me bi tîm û endamên xwe alîkariya mirovî û selikên xwarinê amedekirin. Herwiha jî ji ber ku ev care yekemîne ku Heyva Sor a Kurd derbasî berava Sûriyê dibe, ev jî dibe astengî li pêşiya me. Dema ku ev kampaniya bi serkeftîbe û tu astengî li pêşiya wê dernekivin em ê kampaniyên alîkariyan berdewambikin.”
