Ayşa Silêman/ Dêrik
Îro, şêniyên bajarê Dêrikê bi hemû pêkhateyên xwe ji bo redkirina destûra desthilatdariya Şam meşeke girseyî bi siloganê” Na ji destûra nû re, Dest bi dest bi Hêzên Sûriya Demokratîk re, Bijî nerxwedana Tişrînê”li dar xistin.
Şêniyên bajarê Dêrikê bi hemû pêkhateyên xwe ji bo redkirina destûra desthilatdariya Şamê meşeke girseyî bi siloganên” Na ji destûra nû re, Dest bi dest bi Hêzên Sûriya Demokratîk re, Bijî nerxwedana Tişrînê “li dar xistin. Di destpêka meşê de çend xuleyên bêdeng li ser şehîdên komkujiya Helebça rawestiyan. Paşê meş ji qada Azadî dest pê kir û li pêşiya Meclisa malbatên Şehîdan veguherî mitîng.
Di destpêka meşê de li ser navê Rêveberiya Xweser a bajarê Dêrikê Merwan Mihemed axivî û wiha got: “Çawa ku Sedam Hisên xwest ku gel qir bike têk çû, rêjîma Baas hemû hewildanên xwe dikirin gelê kurd qir bike ew jî têk çû û vaya îro roj dagirkeriya Tirk jî bi hemû hêza xwe ya leşkerî dixwaze kurdan qir bike lê ew ê jî têk biçe. Di heman demê de ev meha Adarê ji bo me him şîn e û him jî şahiye, şîne ji ber ku bûyera Helebce ji ber çavên me naçe û şahiye ji ber ku zalim Dehaq bi destê Kawayê Hesinkar têk çû. Rêjîma Baas her tim dixwest roja 21’ê Adarê ji bo kurdan qedexe bike û bike roja cejna Dayîkê jî lê nikarîbû îradeya kurdan bişkîne. Her wiha em destûra ku hikumeta Şamê nivîsî şermezar dikin û em dibêjin ev destûr nayê qebûl kirin û çi dibe bila bibe kurd berxwedan û şoreşa ku ev 14 sala dikin dev jê bernadin û wê hertim li ser pirojeya Netewa Demokratîk têkoşîna xwe berdewam bikin.”
Di dawiya meşê de li ser navê Partiya Yekîtiya Suryanî aliyê Seydê Hena ve axaftin hat kirin û tê de behsa girîngiya avakirina Sûriyeke demokratîk û nenavendî, hat kirin.
