Birûc Resûl/Qamişlo
Li taxa Enteriyê ya bajarê Qamişlo agirê Newrozê bi coş û kelecaneke mezin hat pêxistin.
Bi dehan xelkê taxa Enteriyê a li bajarê Qamişlo jin, zarok û ciwanênên şoreşger a Sûriyê ya bajarê Amûdê kom bûn û weke sembola serkeftina biharê û destpêka sala nû agirê Newrozê pê xistin, di heman demê de bi siloganan û xemlandina taxê û alên QSD`ê û kesk, sor û zer hatibûn bilind kirin.
Şahî bi deqeyek rêzgirtin li ser giyanên şehîdan hat destpêkirin.
Piştre endamê Meclisa Malbatên Şehîdan a bajarê Qamişlo Mihyedîn
Hesen axivî û wiha got: “Hemû şehîdên şoreşê û şehîdên taxa Enteriyê yên ku li bendava Berxwedanê a Tişrînê bi bîr anîn û berxwedana şervanên Hêzên Sûriya Demokratîk QSD)`ê li Bendava Tişrînê û pira Qereqozaqê, her wiha Rêber Abdullah Ocalan silav kir. Bê guman tişta ku niha ji gelan tê xwestin parastina destkeftiyên şoreşê ye. Em destûra ku ji aliyê desthilata Şamê ve hatiye ragihandin qebûl nakin û pêwîste her kes bertekên xwe derxe hole.”
Piştre agirê Newrozê ji aliyê dayikên şehîdan ve hatin pêxistin û şêniyên beşdar li derdora agir dîlan gerandin. Her wiha şahî bi gerandina dîlanê bi dawî bû.
